Hiob 34:21 - O Debleskro Lab 2024 (Sinte-Manouche)

²¹ O Devel lell hako koova an o yak, hoy i mensho krell, oun dikell les, kay lo ninna djal.

O Debleskro Drom 2021 (Sinte)

²¹ O Dewel lell hako koowa an o jak, hoi i mensho krell, un dikell les, kai lo ninna djal.

Hiob 34:21 Referans Kwoze

Gosewe laba 15:3

I yaka o baro Deblestar dikenn lauter, kova, hoy i čilače krenna, oun kova, hoy i lače krenna.

Hiob 31:4

O Devel dikell halauter, hoy krau, oun djinell, havo drom mire pire djan.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Gosewe laba 5:21

O baro Devel dikell, har hakeno djivell. Kova, hoy hakeno krella, djinell lo.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Debleskri gili 139:23

Dik an miro dji, miro Devel, oun dik, hoy lauter koy dren hi! Oun le man an o yak, oun dik, hoy mange an o shero trouyel djala!

1. Mose 16:13

Koy poučas i Hagar pestar: “Dikom me čačepah o Debles, kay man dikell?” Oun yoy das o baro Debles, kay lah rakras, ko lab Tou hal i Devel, kay man dikell.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Amos 9:8

Me, o baro Devel hom o ray, oun lau ko tselo čilačepen an o yak, hoy i menshe an o them Israel krenn. Doleske thovau les krik i phoubyatar. Vin lino venn gar boud menshe, ninna te vell gar o tselo kheer Israel maredo. Kova penau me, o baro Devel.

Hiob 10:4

Hi tout mensheskre yaka? Dikeh tou yaake har i mensho dikell?

Hiob 11:11

Yob djinell, koon i či-molde hi, oun dikell o čilačo koova, hoy le krenn. Kova hi gar khatedo glan leste.

Hiob 13:16

Te vap me glan leste, sikrell kova, te hi kek doosh ap mande. Kek douy djiyentsa vell glan leste.

Hiob 14:16

Tou dals yak ap mire dromma, dals gar yak, havi doosh me ap mande laus!

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Debleskri gili 33:15

Yob čivell lenge an o dji, hoy te krenn le, oun dell yak ap lauter, hoy yon krenna.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.