Hiob 33:12 - O Debleskro Lab 2024 (Sinte-Manouche)

¹² Dik, Hiob, me hounte penap touke, kate hal tou gar an o čačepen. O Devel hi bareder har i mensho.

O Debleskro Drom 2021 (Sinte)

¹² Dik, Hiob, me hunte penap tuke, kate hal tu gar an o tchatchepen. O Dewel hi bareder har i mensho.

Hiob 33:12 Referans Kwoze

Ezekiel 18:25

T'mer penenn: O Devel djal gar pal o čačepen. Shounenn, t'mer dran o kheer Israel! Djau me gar pal o čačepen? Hi gar yaake, te han t'mer kolla, kay djan gar pal o čačepen?

Hiob 36:5

O Devel hi baro oun zorelo, oun dikell ap kekeste tele. Koy hi či, hoy hayvell oun djinell yob gar.

Jeremia 18:6

Poučau t'mendar dran o kheer Israel: Nay krau me t'mentsa gar har kova kay krell pirya? Dikenn, har koy čik an leskro vast hi, yaake han ninna t'mer dran o kheer Israel an miro vast.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Hiob 40:2

Tou kameh tout mantsa te čingrell – mantsa, kay o zorelo Devel hom? Tou, kay doosh ap mande hatsal, oun mange penal, hoy gar mishto krom, pen kanna čomone kay pre!

Hiob 35:4

Kova kamau touke te penell, touke oun tire malenge pash toute:

Hiob 35:2

Patseh, te hi kova čačo, hoy penal? Tou penal: “Me hom an o čačepen glan o Debleste.”

Hiob 34:23

O Devel hounte čivell kek tsiro dren, te anell lo i menshes glan peste, te rakrell lo o čačepen pral leste vin.

Hiob 32:17

Me kamau ninna te penell, hoy me djinau, oun kova, hoy me hayvom, t'menge doureder te dell.

Hiob 26:14

Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Hiob 1:22

Ninna te vas kova lauter yaake, anas o Hiob kek doosh ap peste, oun vitsras o Debleske kek čilačepen glan.

Hiob 11:7

Patseh, te djineh halauter, hoy an o Debleskro dji hi? Nay hayveh tou, har baro o zorelo Devel hi?

Hiob 11:6

Yob djinell halauter pral halauter. Kamoms, te sikrals lo toute peskro gosvepen, hoy menge khatedo hi. Palle hounte hayvess, te dikell o Devel pral boud doosh toutar pral vergel!