Hiob 32:1 - O Debleskro Lab 2024 (Sinte-Manouche)

¹ Oun kol triin morsha penan bouder či pale ap o Hiob doleske, kay his yob an peskre yaka an o čačepen tardo.

O Debleskro Drom 2021 (Sinte)

¹ Un kol triin mursha penan buder tchi pale ap o Hiob doleske, kai his job an peskre jaka an o tchatchepen tardo.

Hiob 32:1 Referans Kwoze

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Hiob 23:7

Palle anoms miro čingepen glan leste, oun sikroms, te hom an o čačepen tardo. Oun o Devel, miro čačepaskro ray, dikals, te hi kek doosh ap mande, oun moukals man te djal hako tsireske.

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

Hiob 10:2

Me penau ap o Debleste: Ma pen: Doosh hi ap toute! Pen mange, havi doosh tou ap mande hatsal?

Hiob 6:29

Moukenn tele, čilačepen ap mande pre te anell! Ava, moukenn tele koleha! O čačepen hi ap miri rig!

Hiob 13:18

Me anom kava pre, te vell vin kerdo, hoy o čačepen hi. Me djinau, te hi man čačo.

Hiob 15:5

Pal boud laba khatreh tiri doosh, oun rakreh har i rhorheno rakrell.

Hiob 22:5

Na-a! Tiro čilačepen hounte vals baro – doleske krell lo kova! Kreh tou gar pale te pale čilačo koova?

Hiob 33:8

Tou rakral glan mire kanda. Oun me shounom kol laba dran tiro mouy, har tou penal:

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?