Hiob 31:35 - O Debleskro Lab 2024 (Sinte-Manouche)

³⁵ Ah, te vals yek koy, kay ap mande shounell! Hoy penom, tel kova nay činau miro lab. O zorelo Devel te rakrell pale! Kay hi ko liil, an koleste kova miri doosh pre-činas, kay penell, te lom doosh ap mande?

O Debleskro Drom 2021 (Sinte)

³⁵ Ach, te wals jek koi, kai ap mande shunell! Hoi penom, tel kowa nai tchinau miro lab. O sorelo Dewel te rakrell pale! Kai hi ko liil, an koleste kowa miri doosh pre-tchinas, kai penell, te lom doosh ap mande?

Hiob 31:35 Referans Kwoze

Hiob 35:14

Tou Hiob peneh, tou nay dikeh les gar! Tiro koova hi glan leste čiddo. Mouk gar tele, te dikess ap leste!

Hiob 19:7

Te dau vin gole Avenn ap miri rig, shounell man kek. Ninna te dau zoreles gole, dell kek man miro čačepen.

Hiob 17:3

Hi yaake, har te voms an o stilepen. Mangau tout, playse tou kol love, te vap vin lino! Man hi kek vavar, kay mange mishto rakrell.

Hiob 13:24

Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?

Hiob 13:3

Gar t'mentsa, na-a, o zorelo Debleha kamau te rakrell. glan leste kamau miro koova glan te anell.

Mateo 5:25

Te hi tout siyaan pash yekeste, oun hal leha ap o drom pash o čačepaskro, palle playse tiri siyaan yaake rah, har hal tou leha ap o drom, te nay dell yob tout gar an o čačepaskro vast! Oun kova dell tout an o klisteskro vast. Oun kova vitsrell tout an o stilepen!

Debleskri gili 26:1

I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele.

Hiob 33:6

Dik, glan o Debleste hom me yaake boud har tou hal. Oun me ninna hom dran i čik kerdo.

Hiob 30:28

Ropah djau me trouyel, oun kek kham dikau me bouder. Kote kay i menshe khetne venn, stau me pre oun dau gole.

Hiob 27:7

Koon kamell mange čilačepen, leske te djal har i čilačenge! Koon stakrell khatar mande pre, leske te djal har kolenge, kay gar an o čačepen hi!

Hiob 19:11

Oun peskri rholi moukas lo pral mande pre rhačell, oun rikrell man har savo morsheske, kay kamell leske čilačepen te krell.

Hiob 30:20

Me dau ap toute gole oun tou rakreh ap mande gar pale. Me hom kay tardo, oun tou deh gar yak ap mande.

Hiob 30:24

Te peras yekeskro kheer khetne, oun yob hi čiddo tel i barra, rikrell lo gar peskro vast vin? Te vell i bibarht pral yekeste, dell lo gar gole?

Hiob 31:36

Čačepah me hadaus kava liil ap miri phik pre, oun hidjraus les har i rayeskri stadi ap miro shero.

Hiob 40:2

Tou kameh tout mantsa te čingrell – mantsa, kay o zorelo Devel hom? Tou, kay doosh ap mande hatsal, oun mange penal, hoy gar mishto krom, pen kanna čomone kay pre!

Hiob 13:17

Shounenn mishto, hoy penau! Denn yak ap hako lab!