Hiob 30:21 - O Debleskro Lab 2024 (Sinte-Manouche)

²¹ Tou val mange har i čilačo, oun tiri tseli zoryah leh man palla.

O Debleskro Drom 2021 (Sinte)

²¹ Tu wal mange har i tchilatcho, un tiri tseli sorjah leh man palla.

Hiob 30:21 Referans Kwoze

1. Petro 5:6

Doleske krenn t'men tikno tel o Debleskro zorelo vast! O Debleskro tsiro vella, kay yob t'men bares krella.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Debleskri gili 89:13

Ko them, kay o kham gar tardo hi, tou kral les. Ninna ko them, kay o kham pral tardo hi, tou kral les. Koy berga Tabor oun i berga Hermon sharenn tout i barhtyatar.

Hiob 23:6

Čingrals lo mantsa an peskri bari zoor? Na-a, yob shounals mishto ap mire laba.

Hiob 19:22

Hoske lenn t'mer man palla har o Devel kova krell? Kran t'mer mange gomme gar doha douka?

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 6:9

Har kamoms, te vals leske shoukar, te dell lo man moulo, te lell lo miro djipen mandar.

Hiob 32:2

Kote vas i rholi an o Elihou, koleskro dad o Barakel his i menshendar, kay kharenn Bouzarya, dran i familya Ram. O Elihou vas rhoyedo doleske, te patsas o Hiob, te vals yob boudeder an o čačepen har o Devel.

Hiob 13:24

Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?