Hiob 3:13 - O Debleskro Lab 2024 (Sinte-Manouche)

¹³ Te voms moulo, voms koy čiddo, oun sovoms, oun voms pokones.

O Debleskro Drom 2021 (Sinte)

¹³ Te woms mulo, woms koi tchiddo, un sowoms, un woms pokones.

Hiob 3:13 Referans Kwoze

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Hiob 21:23

Ko yek merell, te hi lo sasto oun zorelo, oun djivell i shoukar djipen kek daryah.

Hiob 21:13

Kol čilačen hi i shoukar djipen. Oun kek doukentsa merenn le, oun djan an o moulengro them.

Hiob 19:27

Ava, dikau les mire yakentsa. Oun yob hi mange kek, kay prindjrau gar. Miro dji nashell leste palla.

Hiob 17:13

Hi bouder či, ap kova nay dikaus. Glan mande hi o moulengro them. Kote an o kalepen nay čivau man tele.

Hiob 10:22

ava, an ko them pherdo tamlepen oun kali rat, kay lauter divyes trouyel čiddo hi, oun kay ninna i momeli tamlo hi.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 3:12

Hoske las li man an i gali? Hoske das li man i čouči te piyap?

Hiob 10:21

glan te djau koy, kay vau bouder gar pale – an o tamlo them, kay hako tsiro kali rat hi

Hiob 14:20

Tou vitsreh les tele, te stell lo bouder gar pre. An o merepen hi leskro mouy bouder gar shoukar. Tou bičreh les krik – yob vell bouder gar pale.

Hiob 16:22

Gar boud bersha hi gomme glan mande, oun me djau ko drom, kolestar kek palpale vell.

Hiob 19:25

Me djinau, te djivell o Devel, kova, kay miro koova an peskro vast lell. Oun an o tsillo, kay o čačepen vin rakedo vell pral kay phoub, hi yob miro rakepaskro.

Hiob 21:26

Khetne hi le tel i phoub, oun i kirme čakrenn len.

Hiob 24:19

Yaake har o gib krik djal, te vell o kham oun o tatepen, yaake djan kolla an o moulengro them, kay o Debleskro dromestar tele djan.

Hiob 24:20

Saves bistrell ninna leskri day. I kirme rhan pen čales ap leste. Kekeske vell lo bouder an o shero. Yaake phagell o čilačepen khetne har kasht.

Hiob 26:5

An o moulengro them, an i panya tel i phoub trissenn i moule i daryatar.

Hiob 26:6

O moulengro them hi pre čakedo čiddo glan o Debleste. Či khatrell les glan leskre yaka.

Hiob 34:22

Kek rat oun kek kalepen hi yaake tamlo, te nay khatrans pen i čilače kote dren.

Ezekiel 32:27

Oun yon hi gar kote čiddo, kay i zorele kourepangre čiddo hi, kay an o phouro tsiro meran, oun khetne pengre karmangre paskedo van. Kolenge van lengre rhare tel lengre sherya čiddo. Oun lengre shilte van pral lengre kokale čiddo. Har le djido his, his le zorele kourepangre, kolendar i vavar daran.