Hiob 28:13 - O Debleskro Lab 2024 (Sinte-Manouche)

¹³ Kek mensho djinell, har boud o gosvepen moldo hi. Ap i phoub, kay i menshe djivenn, vell lo gar hatslo.

O Debleskro Drom 2021 (Sinte)

¹³ Kek mensho djinell, har bud o goswepen moldo hi. Ap i phub, kai i menshe djiwenn, well lo gar hatslo.

Hiob 28:13 Referans Kwoze

Jesaja 53:8

Yob vas stildo oun glan i čačepangre anlo oun krik lino, te vell lo maredo. Oun kek nay rakrell leskre čavendar, kay pal leste venna. I doshake mire menshendar vas yob vin tserdedo dran o them, kay i djide djivenn.

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Gosewe laba 16:16

Hi boudeder moldo te less gosvepen har te less sonakay. Te hayveh, hoy mishto oun gar mishto hi, hi kova touke feteder har roup.

Gosewe laba 8:11

O gosvepen hi boudeder moldo har kouč mirklia. Oun či, koleske tiro dji nay palla nashell, hi yaake boud moldo har o gosvepen.

Debleskri gili 119:72

Tiro drom kamau me boudeder har boud zerya kotya sonakay oun roup.

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Jesaja 38:11

Me dikau o baro Debles gar bouder kate an o them, kay i djide hi. Oun kote, kay hi kek djipen bouder, dikau kek vavar menshen bouder.

Hiob 28:14

O telstunepen penell: An mande hi lo gar! Oun o baro pani penell: Pash mande hi lo vitar gar.

Debleskri gili 27:13

Me djinau, te dikau me o lačepen o baro Deblestar an kava djipen.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Ezekiel 32:24

Kote hi o Elam peskre tsele menshentsa. Troul leste trouyel hi le paskedo. Yon halauter van maredo o rhareha, oun djan tele an o moulengro them, kolla, kay gar činlo van ap pengro mass. Har le djido his, his i vavaren bari daar lendar. Kanna hounte hidjrenn le pengri ladj khetne kol vavarentsa an o moulengro them.