Hiob 27:2 - O Debleskro Lab 2024 (Sinte-Manouche)

² O Devel kras, te lap gar miro čačepen. O zorelo Devel kras miro djipen shoutlo. Me dau man sovel pash o djido Debleste:

O Debleskro Drom 2021 (Sinte)

² O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 27:2 Referans Kwoze

Hiob 34:5

O Hiob penas: “Me hom an o čačepen tardo. Oun miro čačepen las o Devel mandar krik.

2. Rajengro liil 4:27

Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

4. Mose 14:21

Yek koova hi yaake čačo har me djivau, oun i tseli phoub pherdo miro raylepen vell:

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

Jeremia 5:2

Ninna te denn yon pen sovel pash o djido Debleste, hi kova rhorhepen.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jesaja 40:27

Hoske penenn t'mer Israelitarya, t'mer, kay venna pal o Yakob: “O baro Devel prindjrell men bouder gar. Maro Devel dikell gar koy pre, te vell men maro čačepen.”

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 9:18

Yob moukell man gar yek kopo dourho te lell, na-a, yob krell man pherdo ropen oun douk.

1. Rajengro liil 18:15

O Eliya penas: “Me dau man sovel pash o baro Debleste, ko rayeste pral o bolepen oun i phoub, glan koleste me tardo hom: Kava dives sikrau man me glan o Ahabeste.”

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

2. Samuel 2:27

O Yoab penas: “Pash o Debleste, kova hi čačo! Te penals tou kova gar, tradans mire morsha tire morshen glan pende bis o vavar dives taysarlakro.”

1. Samuel 25:34

Me dau man sovel pash o baro Debleste, ko Debleste pral o Israel, kay rikras man kava dives pale, te krap tout čilačepen: Tou te vals gar sik pash mande, ačals kek i morshendar o Nabalestar djido, te djal o kham pre taysarlakro!”

1. Samuel 25:26

Oun kanna, miro ray, me dau man sovel glan o djido Debleste oun glan toute: O baro Devel rikras tout pale, te aness tou rat ap toute oun dess tiro vasteha pale, hoy o Nabal ap toute kras. Kamau, te djal lauterenge, kay kamenn tout čilačepen, yaake har o Nabaleske!

1. Samuel 20:21

Oun bičrau i čaves koy, te rodell lo len. Te dau ap leste gole: Yon hi gar dour toutar. Dja oun an len! Palle am! Lauter hi mishto troul toute tardo. Oun tout hounte vell kek daar. Kova dau me man sovel pash o djido Debleste.

1. Samuel 14:45

I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.

1. Samuel 14:39

Ninna te vals kova miro čavo Yonatan, hounte merals lo. Kova dau me man sovel pash o djido Debleste, kay ap o Israeleskri rig hi.” Oun kek i tsele lourdendar penas čomone.

Ruth 3:13

Ač kay rat kay. Taysarlake poučau lestar. Te kamell lo touke koy te vell, hi kova mange mishto. Te kamell lo gar, krau me kova. Kova dau me man sovel pash o djido Debleste. Kanna ač čiddo bis taysarlake!”

Hiob 16:11

Miro Devel das man o čilačenge an i vasta, kolenge, kay kamenn lestar či te djinell.

Hiob 19:6

Dikenn t'mer gar dren, te hi kova o Devel, kay djas gar mishto mantsa trouyel? Hi yaake, har te taprals lo man an i netsa.

Hiob 23:16

Ava, o Devel kras miro dji darenes, o zorelo Devel kras mange bari traash.

Hiob 35:2

Patseh, te hi kova čačo, hoy penal? Tou penal: “Me hom an o čačepen glan o Debleste.”

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 9:17

Yob bičrell i zorelo phourdepen, te taprell lo pal mande, oun dell man boud doukepen, ninna te krom či.