Hiob 26:11 - O Debleskro Lab 2024 (Sinte-Manouche)

¹¹ Te dell o Devel kol bergen trad, hoy hidjrenn o bolepen, trissenn le i daryatar.

O Debleskro Drom 2021 (Sinte)

¹¹ Te dell o Dewel kol bergen trad, hoi hidjrenn o bolepen, trissenn le i darjatar.

Hiob 26:11 Referans Kwoze

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.

Haggai 2:21

Pen ap o Zorobabel, ko pralstuneste pral o them Youda: Me krau, te trissell o bolepen oun i phoub.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Hiob 15:15

Ninna leskre bolepangren nay patsell lo gar. Oun o bolepen hi gar djoudjo glan leskre yaka.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Samuel 22:8

Koy trissas i phoub, pral oun tele djas o bolepen o Debleskri bari rholyatar.

Hiob 26:10

Yob čivas i bogo pral o baro pani yek rigyatar ap i vavar, te vell o dives oun i rati gar khetne.

Hiob 26:12

Peskri zoryah kras lo o baro pani, te vell lo divyo, oun yob hayvas, har nay das lo o Rahab moulo.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.