Hiob 24:13 - O Debleskro Lab 2024 (Sinte-Manouche)

¹³ Čilače menshe kamenn gar o dives, oun djan gar ap dromma, ap kolende o kham perell. Save dromendar djan le tele.

O Debleskro Drom 2021 (Sinte)

¹³ Tchilatche menshe kamenn gar o diwes, un djan gar ap dromma, ap kolende o kham perell. Sawe dromendar djan le tele.

Hiob 24:13 Referans Kwoze

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Jakobo 4:17

Koon djinell o lačepen, oun krell les gar, kova anell doosh ap peste.

Remarja 1:32

Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Johanni 8:31

Ap kol biboldende, kay kanna ap leste patsan, penas lo: “T'mer te krenna, hoy me t'menge penau, palle han t'mer čačepah mire mala, kay mire laba pre lan.

Hiob 5:14

Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

Hiob 24:12

An i forya denn kolla gole, kay hi doukedo oun merenn. Oun o Devel dell kek yak ap ko narvelo koova, hoy i čilače krenn.

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

1. Rajengro liil 3:20

Oun yoy stas pre an i rati oun las miro čaves, kay pash mande čiddo hi, oun čivas les an lakri moussi, oun lakro čavo, kova, kay meras, čivas li an miri moussi. Oun me, miro ray, sovom oun hayvom či.

Hiob 24:16

An i rat phagenn i čorepangre an i khera dren. Oun te vell o dives, khatrenn le pen, oun kamenn gar, te venn le diklo.

Hiob 38:13

Penal lake, te djal li pral i tseli phoub yek rigyatar ap i vavar, yaake te nashenn penge i čilače oun khatrenn pen?

Hiob 38:15

Te vell dives, nay krenn i čilače bouder kek čilačo koova an o tamlepen, oun nay doukrenn bouder gar vavar menshen.