Hiob 23:11 - O Debleskro Lab 2024 (Sinte-Manouche)

¹¹ Me rikrom mire pire ap leskro drom, oun ačom ap leste, oun djom gar tele lestar.

O Debleskro Drom 2021 (Sinte)

¹¹ Me rikrom mire pire ap leskro drom, un atchom ap leste, un djom gar tele lestar.

Hiob 23:11 Referans Kwoze

Debleskri gili 44:18

Kava lauter vas pral mende, ninna te bistram tout gar oun kram, hoy tou mentsa vin kral.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 17:5

Mire pire djan ap tiro drom oun peran gar tele.

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Debleskri gili 36:3

An peskre yaka hi kova yaake shoukar, hoy lo krella, te hayvell lo gar, kay kova i doosh hi, kay hounte rikrals pes lo latar pale.

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

Hiob 6:10

Kova krals koy douk an miro dji tikneder. An mire tsele bare douka djinau, te krom hako tsiro, hoy o Devel mange penas.

Hiob 31:7

Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,

Debleskri gili 119:51

Ninna te sanenn pre-phourde menshe pral mande, moukom gar tiro drom.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Debleskri gili 44:19

Mare djia moukan tout gar, vitar gar djan mare herya tiro dromestar tele.

Gosewe laba 4:5

Kre lauter, te vess gosevo oun hayvess, hoy mishto hi. Ma biste mire laba! Kre yaake, har touke penom!