Hiob 22:24 - O Debleskro Lab 2024 (Sinte-Manouche)

²⁴ Te hi touke tiro sonakay gar boudeder moldo har čik, tiro lačeder sonakay gar boudeder har kol barra an i tikne panya,

O Debleskro Drom 2021 (Sinte)

²⁴ Te hi tuke tiro sonakai gar budeder moldo har tchik, tiro latcheder sonakai gar budeder har kol barra an i tikne panja,

Hiob 22:24 Referans Kwoze

Jesaja 13:12

Me krau, te ačenn gar boud menshe djido. Tou hounte rodess boudeder, te hatsess yek menshes, har te rodeh pal lačo sonakay. Ava, hi phareder te hatsess menshen har te hatsess o sonakay dran Ofir.

1. Rajengro liil 9:28

Kolla van an o them Ofir oun lan kotar sonakay pentsa, 420 (star-sheel-te-biish) centnarya sonakay, oun anan les pash o rayeste Salomo.

Debleskri gili 45:9

Tire ripya soungenn mishto pal myrrhe, Aloe oun Kassia. Bashepangre bashrenn touke an tire rayengre khera, hoy shoukar oun kouč kerdo hi.

Hiob 31:25

Me stom gar i barhtyatar, te vas miro bravlepen baro, oun mange yaake boud khetne lom.

2. Familjakro liil 9:27

Oun o baro ray kras, te his an o foro Yerusalem yaake boud roup har barra. Oun i cedertikre rouka his yaake boud har i divye faygetikre rouka an o telstouno them.

2. Familjakro liil 9:10

Oun o Hirameskre boudepangre oun o Salomeskre boudepangre, kay o sonakay dran o them Ofir anan, kolla anan ninna kouč kasht oun kouč barra.

2. Familjakro liil 1:5

Glan o baro Debleskro plarhteno kheer an o foro Gibeon his ninna koy rhačepaskri dran lolo saster tardo, hoy o Bezalel kras, koleskro dad o Ouri his, oun koleskro dad o Hour his. Kote djas o Salomo, oun khetne leha i Israelitarya.

1. Rajengro liil 22:48

An ko tsiro his kek Edomari o ray pral o them Edom. I pralstouno morsh, bičedo o rayestar dran Youda, his o ray pral o them.

1. Rajengro liil 10:21

Oun i tsele pipaskre čare o rayestar Salomo his dran sonakay, oun ko tselo koova an o kheer, hoy kharell Libanoneskro veesh, his dran djoudjo sonakay, či his dran roup kerdo. Rup his an i divessa, kay o Salomo o baro ray his, či moldo.

1. Mose 10:29

o Ofir, o Havila, oun o Yobab. Kolla halauter van pal o Yoktan.

1. Rajengro liil 10:11

Ninna van shiffe o rayestar Hiram. Kolla anan sonakay dran o foro Ofir oun boud kouč kasht oun kouč barra.

Hiob 22:25

palle vell touke o zorelo Devel har tiro sonakay oun kouč roup.

Hiob 31:24

Miro sonakay vas gar miro devel. Ap leste penom me gar: Tou hal kova, hoy man hounte vell!

1. Familjakro liil 1:23

o Ofir, o Havila oun o Yobab. Kolla halauter van pal o Yoktan.