Hiob 22:13 - O Debleskro Lab 2024 (Sinte-Manouche)

¹³ Oun tou poučeh: “Hoy nay djinell o Devel? Hi lo gar khatedo pal kale volke? Har nay rakrell lo o čačepen pral mende vin?

O Debleskro Drom 2021 (Sinte)

¹³ Un tu putcheh: “Hoi nai djinell o Dewel? Hi lo gar khatedo pal kale wolke? Har nai rakrell lo o tchatchepen pral mende win?

Hiob 22:13 Referans Kwoze

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 73:11

Yon penenna: “Har shounell nay o Devel kava? Har hayvell lo kova, yob, kay pral an o bolepen hi?”

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Debleskri gili 64:5

Ap yek kopo denn le karye dran pengro khatepen ap koleste, kay o čačo drom djal, oun ladjenn pen gar.

Zefanja 1:12

An ko tsiro vella yaake, kay lau i momeli oun rodau an o foro Yerusalem lauter kolen, kay djivenn i shoukar djipen oun djinenn kek daar, oun kay penenn an pengre djia: O baro Devel krell menge či, kek lačepen, vitar kek čilačepen.

Debleskri gili 139:11

Oun penaus me: “Kali rat te khatrell man, oun tamlepen te vell troul mande”,

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Hiob 34:22

Kek rat oun kek kalepen hi yaake tamlo, te nay khatrans pen i čilače kote dren.

Debleskri gili 139:7

Kay djau me nay, te vap dour toutar? Kay nashap, kay tou man gar dikeh?

Amos 9:2

Ninna te paskrenn le pen tele pash i moulende, lau len kotar pre. Ninna te djan le pre bis pash o bolepen, anau len tele.

Amos 9:3

Ninna te khatrenn le pen pral ap i berga Karmel, rodau me len oun lau len tele. Ninna te khatrenn le pen mandar tele an o baro pani, yaake penau o panyeskro sap, te dandrell lo len.