Hiob 20:25 - O Debleskro Lab 2024 (Sinte-Manouche)

²⁵ Ko faylo vell an leskro bouko karye dino, oun dran o doumo djal lo vin. Bari traash taprell les.

O Debleskro Drom 2021 (Sinte)

²⁵ Ko failo well an leskro buko karje dino, un dran o dumo djal lo win. Bari traash taprell les.

Hiob 20:25 Referans Kwoze

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Hiob 16:13

Leskre fayle djan haki rigyatar ap mande. Yob dell man karye an mire bouke dren. Oun les khaytau gar. Miri galla čorell lo vin ap i phoub.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.

Debleskri gili 88:15

Hoske čival man pale oun khatreh tout glan mande?

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!

Debleskri gili 7:12

O Devel hi i čačepaskro ray, kay an o čačepen tardo hi. Yob hi i Devel, koleskri rholi nay rhačella hako dives.

Hiob 27:20

I daar vell pral leste har i zorelo pani. An i rat lell les i bari phourdepen peha.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

2. Samuel 18:14

“Kamau gar te nashrap miro tsiro touha!” das o Yoab gole, oun las triin lengste sane čourya an peskro vast, oun das len o Absalomeske an o dji, har yob gomme djido ap o rouk bladedo his.

Hiob 18:14

O merepen tserdell les vin dran o kheer, kolestar yob patsas, te nay djal leske či. Oun yob vell anlo glan koleste, kay hi o ray pral i moulende.