Hiob 2:7 - O Debleskro Lab 2024 (Sinte-Manouche)

⁷ Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

O Debleskro Drom 2021 (Sinte)

⁷ Kote djas o beng win o baro Deblestar, un das o Hiobes i djungelo nasslepen ap peskro mass, hoi chandjras un dukas leske fun o shero bis tele pash i pire.

Hiob 2:7 Referans Kwoze

5. Mose 28:35

O baro Devel krell, te phagell djoungelo doukepen pre ap t'mare herya. Ava, t'mare pirendar bis ap t'mare sherya han pherdo doukepen, oun nay venn gar sasto kolestar.

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Hiob 30:30

Miri hauta vas kalo ap mande, oun perell mandar tele. Oun o fibro rhačell an mire kokale.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

Debleskro tsiro 16:11

Lengre douka dran o djoungelo nasslepen his yaake baro, kay praasan le o Debles an o bolepen. Oun yon moukan gar pengro čilačo koova, hoy yon kran.

Jesaja 3:17

Doleske moukau me, o baro Devel, i čiklo doukepen ap lengre sherya te vell, oun moukau lenge i tsele balla tele te činell.

Hiob 7:5

Miro mass ap mande hi čakedo kirmentsa oun čik. Miri hauta phagell pre, oun djelto pani nashell vin.

1. Rajengro liil 22:22

Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

2. Samuel 14:25

An o tselo Israel his kek morsh yaake shoukar har o Absalom, oun kova penas hakeno lestar. Oun foun o shero bis tel i herya his kek djoungelo koova ap leste.

Hiob 2:6

Kote penas o baro Devel ap o beng: “Mishto, dau les an tiro vast. Leskro djipen ma tape an!”

Hiob 13:28

Yaake perau khetne har phouro kasht, har kol ripya, kolen i kirme paash rhan.

Hiob 1:11

Hoy hi, te leh tou lestar krik, hoy leskro hi? Čačepah palle praasell lo tout!”