Hiob 15:32 - O Debleskro Lab 2024 (Sinte-Manouche)

³² Yob hi har i rouk, hoy vell djelto glan peskro tsiro, oun hidjrell an kek tsiro bouder zenele patria.

O Debleskro Drom 2021 (Sinte)

³² Job hi har i ruk, hoi well djelto glan peskro tsiro, un hidjrell an kek tsiro buder senele patria.

Hiob 15:32 Referans Kwoze

Sikepaskro 7:17

Rike tout pale o čilačepastar! Oun ma ab har i dinelo! Hoske kameh te merell glan tiro tsiro?

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Hiob 22:16

Kolla meran, har his le gomme gar phouro – van krik thodo har i kheer i zorelo panyestar.

Hosea 9:16

O Efrayim hi har i moulo rouk. Leskre draba, len hi kek pani. Oun roukengre venn gar bares ap leste. Te lenn i djouvya ninna čave, me marau len, kolen yon pengro djiyestar kamenna.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.