Hiob 14:10 - O Debleskro Lab 2024 (Sinte-Manouche)

¹⁰ Merell i morsh, hi lo bouder gar. Kek dourho ačell an leste. Kay hi lo?

O Debleskro Drom 2021 (Sinte)

¹⁰ Merell i mursh, hi lo buder gar. Kek ducho atchell an leste. Kai hi lo?

Hiob 14:10 Referans Kwoze

Hiob 19:26

Ninna te hi miro mass yaake doukedo oun vom yaake sano, vell ko tsiro, kay dikau miro Debles.

Hiob 14:12

Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

1. Mose 49:33

Har o Yakob kova peskre čavenge penas, tserdas yob peskre herya ap o čiben oun meras.

Bičepangre 5:10

Koy peras li khetne oun meras. Oun har i terne morsha dren van, hatsan le lat moules, hidjran lat vin, oun paskran lat pash lakro romeste.

Mateo 27:50

O Yezous das pale bari gole, oun meras.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Hiob 10:18

Hoske moukal man boldo te vell? Hoske moukal tou man gar glan kova te merell? Palle dikals man kek!

Hiob 3:11

Hoske merom me gar, har boldo vom, har me dran late vin vom?

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Hiob 3:13

Te voms moulo, voms koy čiddo, oun sovoms, oun voms pokones.

Hiob 13:9

Patsenn t'mer, te djal kova t'menge mishto, te lell lo t'men an o yak? Moukell lo pes t'mendar te rhorhell, har te vals lo i mensho?

Hiob 14:9

te perell pani ap leste, vell lo pale zenelo, ninna te hi kova gar boud pani. Oun neve tikne kashta venn dran leste, har te vals lo i terno rouk.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 20:7

vell lo krik lino, oun vell pale čik. Kek tsireske vell lo bouder hatslo. Oun kolla, kay prindjran les poučenn palle: Kay hi lo?

Sikepaskro 3:20

Halauter hounte merell, hako djipen vas dran i čik, oun hako djipen vell pale čik.

Sikepaskro 3:21

Kek nay djinell, te djal o mensheskro dourho pral an o bolepen oun o firheskro dourho tele an i phoub.