Hiob 13:12 - O Debleskro Lab 2024 (Sinte-Manouche)

¹² T'maro gosevo rakepen hi gar boudeder moldo har yagakri čik. Kova hoy t'mer kate glan anenn, rikrell gar feteder har khera dran čik.

O Debleskro Drom 2021 (Sinte)

¹² Tumaro gosewo rakepen hi gar budeder moldo har jagakri tchik. Kowa hoi tumer kate glan anenn, rikrell gar feteder har khera dran tchik.

Hiob 13:12 Referans Kwoze

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

Jesaja 26:14

I moule venn bouder gar djido, oun stenn bouder gar pre. Kolen, kay pral mende i raya his, dal tou lengri phagi: Yon hi bouder gar koy. Oun i menshe bistran len.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Debleskri gili 109:15

Mouk kova, hoy le kran, hako tsiro glan tire yaka te vell! Kre, te vell leskro lab bistedo an o tselo them!

Debleskri gili 102:12

Miro djipen djal peske har o dives, te vell i rat, har o khass, hoy tele merell an o kham.

Debleskri gili 34:16

O baro Devel dikell ap kolende, kay an o čačepen tardo hi. Oun leskre kanda shounenn len, te denn le gole.

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

1. Mose 18:27

Penas o Abraham: “Shoun, miro ray, me lom man khetne, te rakrap touha, kay me čik oun či moldo hom.

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

Hiob 13:11

Te hadell lo pes, taprell t'men i traash! Oun bari daar moukell lo ap t'mende te perell.

Hiob 13:13

Rikrenn t'mare mouya, oun moukenn man te rakrell! Oun kova, hoy palle pral mande vell, mou vell lo!

Hiob 27:1

Oun o Hiob rakras pale oun penas kal laba:

Hiob 29:1

Oun o Hiob rakras pale oun penas kal laba:

Hiob 21:34

Patsenn t'mer, kay t'mare laba krenn, te djal mange feteder an miro dji? T'mare laba hi či-moldo! Kova, hoy mange penenn, hi či har rhorhepen!