Hiob 12:4 - O Debleskro Lab 2024 (Sinte-Manouche)

⁴ Hoske vom mire malenge sapaske? Me dom gole ap o Debleste, oun yob shounas man. Ninna te hom an o čačepen tardo oun djau o čačo drom, sanenn le man vin.

O Debleskro Drom 2021 (Sinte)

⁴ Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Hiob 12:4 Referans Kwoze

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Hiob 30:1

Kanna sanenn le pral mande, kolla, kay terneder hi har me, kolengre dada an mire yaka gar doha moldo his, te denn le yak ap mire bakre khetne mire djouklentsa.

Hiob 21:3

Mangau t'men, moukenn man te rakrell! Pal kova nay sanenn pral mande!

Hiob 17:6

Kanna vom yek, pral koleste i menshe sapaskre gilya givenn, oun koleske yon an o mouy čoungrenn.

Hiob 17:2

Hakeno sal pral mande. Oun me hounte dikap, har čingran le ap mande.

Hiob 16:10

Menshe venn khetne troul mande, oun dikenn ap mande pre-kerde mouyentsa. Te vell len čomone sapaske denn le man čamedinya.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Louka 16:14

Kol Farisarya shounan kova lauter. Yon his pal i love, oun yon san pral o Yezouseste.

Markus 5:40

Oun yon san pral leste. O Yezous tradas len lauteren vin, oun las kol čakro dades oun lakri day peha, ninna kolen, kay pash leste his, oun djas dren, kay koy čay čiddo his.

Mateo 27:29

Oun yon pandan soubyengre kashta khetne, oun čivan len leske ap o shero, yaake har i baro ray hidjrell shereskro sonakay ap peskro shero. Ninna čivan le leske i kasht an leskro čačo vast. Oun yon moukan pen glan leste ap i čanga te perell, oun kran yaake, har te mangans le i baro rayes an. Yon san pral leste, oun penan: “Sharedo vess tou, tou baro ray pral i bibolde!”

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Gosewe laba 14:2

Kova, kay kamell o baro Debleha te djivell, djal o čačo drom. Koon či lestar kamell te djinell, djal ap bange dromma.

Debleskri gili 35:16

Khetne kol čilačentsa praasan le man oun sikran mange pengre danda.

Hiob 16:20

Mire mala sanenn pral mande. Mire yaka hi pherde sva, har dikau me pre pash miro Debleste.

Hiob 11:3

Tiro tselo rakepen nay rikrell men gar pale, te kras mer maro mouy pre. Te rikreh men dineleske, patseh, te čingras gar touha?

Hiob 6:29

Moukenn tele, čilačepen ap mande pre te anell! Ava, moukenn tele koleha! O čačepen hi ap miri rig!

Mateo 9:24

penas lo: “Djan t'menge! Kay čay meras gar. Yoy sovella.” Oun yon san pral leste.

Hiob 9:21

Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

Hiob 12:5

Kolla, kay lenge mishto djal, dikenn tele ap koleste, kay an i bibarht hi, oun stakrenn kolen gomme, kolengre herya trissenn.

Hiob 13:18

Me anom kava pre, te vell vin kerdo, hoy o čačepen hi. Me djinau, te hi man čačo.

Hiob 30:9

Oun kanna givenn lengre čave sapaskre gilya pral mande. Me vom lenge rakepaske.

Hiob 34:7

Koon hi savo morsh har o Hiob, kay rikrell pes gar pale te praasell lo i vavaren? Kova hi leske har te piyals lo pani.

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.