Hiob 12:22 - O Debleskro Lab 2024 (Sinte-Manouche)

²² Yob anell kova glan, hoy khatedo his an o kalo telstunepen, oun krell, te vell o tamlepen diklo.

O Debleskro Drom 2021 (Sinte)

²² Job anell kowa glan, hoi khatedo his an o kalo telstunepen, un krell, te well o tamlepen diklo.

Hiob 12:22 Referans Kwoze

Daniel 2:22

Yob čakrella pre oun sikrell, hoy khatedo hi, oun djinell, hoy an o tamlepen hi; pash leste hi kek tamlepen.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

Hiob 3:5

Mou vell ko dives pherdo kalepen oun tamlepen! Kale volke mou ačenn pral leste! Oun o kham mou vell kalo ap ko dives, te vell i menshenge bari daar!

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Amos 5:8

O baro Devel kras o bolepangre momlia, kol momlia, hoy sikrenn: o vend vell oun i niyal vell. Dran i rat krell yob o dives, oun dran o dives i rat. Dran o baro pani lell yob o pani oun čorell les ap i phoub. Yob kharell Baro Devel.

Mateo 10:26

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Hiob 34:22

Kek rat oun kek kalepen hi yaake tamlo, te nay khatrans pen i čilače kote dren.

Debleskri gili 139:12

palle vals touke i rat gar kali, ava, i rat vals har o dives, oun o tamlepen har i momeli.

Debleskri gili 44:21

Bistrams mer tout, maro Debles, oun mangams i vavar debles an,

Hiob 24:17

Kali rat hi lenge lauterenge har vavarenge i tsalla. An i rati hi len kek daar.

Hiob 11:6

Yob djinell halauter pral halauter. Kamoms, te sikrals lo toute peskro gosvepen, hoy menge khatedo hi. Palle hounte hayvess, te dikell o Devel pral boud doosh toutar pral vergel!

2. Rajengro liil 6:12

Koy penas yek leskre pralstunendar: “Kek mendar, miro baro ray. O Elisa, ko Debleskro rakepaskro an Israel, phoukrell lauter o baro rayeske pral Israel, ninna, hoy tou rakreh an tiri isema, kay soveh.”

Debleskri gili 139:11

Oun penaus me: “Kali rat te khatrell man, oun tamlepen te vell troul mande”,