Hiob 12:17 - O Debleskro Lab 2024 (Sinte-Manouche)

¹⁷ Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.

O Debleskro Drom 2021 (Sinte)

¹⁷ Kol pralstune, hoi i rajenge penenn, hoi te krenn le, kolendar lell lo lengro goswepen krik, un krell i tchatchepangre rajen dinelo.

Hiob 12:17 Referans Kwoze

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

Hiob 9:24

Yob das i phoub an o vast i čilačendar. Oun kolla, kay o čačepen vin krenn, kolen kras lo korelo, te dikenn le či. Te his yob kova gar, koon vavar his kova?

Hiob 3:14

Palle voms čiddo mank i bare rayende oun pralstunende ap kay phoub, kay kran pen shoukar moulengre khera.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

Hiob 19:9

Yob las miro tselo bravlepen mandar, ninna miro an-dikepen pash i menshende.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.