Hebrearja 9:24 - O Debleskro Lab 2024 (Sinte-Manouche)

²⁴ Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

O Debleskro Drom 2021 (Sinte)

²⁴ Kowa hi o Jesus Kristo. Job djas gar an o Debleskro kheer, hoi i menshe kran, un hoi sikrell mende kokres i tikno kotar ko tchatcho Debleskro kherestar an o bolepen. Na-a, job djas an o bolepen glan o Debleste, te mangell lo les menge.

Hebrearja 9:24 Referans Kwoze

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 9:23

O Debleskro tikno kheer ap i phoub oun lauter, hoy kote dren hi, sikrell mende i tikno kotar ko Debleskro kherestar, hoy hi an o bolepen. O Debleskro tikno kheer ap i phoub hounte vas i firhengro rateha djoudjo oun erligo kerdo. An o Debleskro kheer an o bolepen djas yek, koleskro rat hi lačeder har i firhengro rat.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.

Johanni 16:28

Me vom o dadestar, oun vom ap kay phoub. Oun me moukau pale kay phoub, oun djau pash miro dadeste.”

Kolossarja 3:2

Dikenn ap kova, hoy an o bolepen hi! Ma dikenn ap kova, hoy ap i phoub hi!

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

Louka 24:51

Oun har yob yaake rakras, djas lo lendar oun vas pral an o bolepen hadedo.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Markus 14:58

“Mer shounam, har yob penas: Me phagau kava Debleskro baro kheer tele, hoy i menshe pengre vastentsa kran. Oun an triin divessa krau i vavar Debleskro baro kheer, hoy kek menshe pengre vastentsa kran.”

2. Mose 28:29

Yaake hidjrell o Aron i laba kol deesh-te-douy Israeleskre čavendar ap peskro dji hako kopo, kay djal lo an o Debleskro kheer. Oun me bistrau len gar, te vap lenge lačo hako tsiro.

Debleskro tsiro 8:3

Oun i vavar bolepaskro vas, oun djas pash o Debleskri rhačepaskri. Les his i sonakaskro čaro an o vast, an koleste goudlo kasht rhačedo vella, hoy mishto soungella. Oun ko bolepaskro las boud goudlo kasht, te rhačrell lo les ap o Debleskro sonakaskro bob, hoy glan o Debleskro beshepaskro tardo hi, te vell o lačo soungepen khetne o mangepah, hoy o Debleskre čave o Deblestar mangan.

Hebrearja 9:9

I glanstouni isema sikrell mende ko tsiro, an hoy mer kanna djivah. I menshe anenn firhen, oun vavar koova o Debleske. Kova lauter nay krell lengro dji gar djoudjo. An lengro dji hayvenn le, te hi le gomme čilačo.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Johanni 6:62

Hoy krans t'mer, te dikans t'mer, te djal o Mensheskro Čavo pale an o bolepen?

Zakarie 3:1

Oun o baro Devel moukas man te dikell o baro rashayes Yeshoua. Kova his tardo glan o bolepaskro o baro Deblestar. Oun ap leskri čači rig his o beng tardo, te čivell lo i doosh ap o Yeshoua.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

2. Mose 28:12

Palle kre kol douy barra ap i damdira pre, kote kay i phika hi. Yaake hidjrell o Aron i laba o Israeleskre čavendar ap peskre phika, te djal lo an o Debleskro kheer. Oun yon venn mange, o baro Debleske, an o shero, te vap lenge lačo.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 9:1

An ko phouro tsiro, har o Mose i menshenge penas, har djan le ap o Debleskro drom, koy penas lo lenge ninna, har te boudrenn le o Debleske an leskro kheer, oun ninna, har te krenn le leske i kheer ap i phoub, kay mangenn le les an.