Hebrearja 9:22 - O Debleskro Lab 2024 (Sinte-Manouche)

²² Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.

O Debleskro Drom 2021 (Sinte)

²² Hi gar bud koowa, hoi well gar o rateha djudjo un erligo kerdo. Jaake hi an o Moseskre lila tchinlo. Un te well kek rat win tchoredo, nai well kek doosh krik lino.

Hebrearja 9:22 Referans Kwoze

3. Mose 17:11

An o rat hi o djipen. Oun me kamau, te vell lo ap i rhačepaskri anlo, te vell i doosh oun o pale-čiddo koova t'mendar krik lino. An o rat hi o djipen. Doleske lau leha i doosh oun o pale-čiddo krik.

3. Mose 6:7

Oun yaake hounte vell kerdo o yarreha, hoy o baro Debleske dino vell. I rashaya dran o kheer Aron anenn les glan o baro Debleste pash koy rhačepaskri.

3. Mose 4:35

Oun o tselo thulepen činell lo tele yaake har činell lo o thulepen tele ko bakrestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri khetne ko vavar masseha, hoy o baro Debleske rhačedo vell. Yaake krell o rashay, te vell lauter pale mishto mank o baro Debleste oun ko mensheste, kay doosh ap peste anas. Oun o baro Devel bistrell leskri doosh.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 14:14

O rashay lell o ratestar ko firhestar, hoy maredo vas, te vell o mensho pale erligo glan o Debleste, oun makell čomone tella ap o čačo kand kolestar, kay sasto vas, ninna ap leskro čačo pesso goushto oun ap o čačo pesso tsebo.

3. Mose 14:6

Palle rikrell lo o djido čirkles an ko čaro, kay pani oun o rat o maredo čirklestar dren hi. Khetne leha čivell lo ko cedertikro kasht, kol lole thaba oun kol patria Hysop koy dren, an ko čaro,

3. Mose 5:10

Oun koy vavar tauba rhačrell lo yaake, har o baro Devel penas, te vell kerdo i firheha, hoy tseles rhačedo vell. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell koy doosh, hoy ko mensho ap peste anas.

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

3. Mose 14:25

Palle marell lo ko terno bakro oun makell o ratestar tella ap o čačo kand kolestar, kay sasto vas, ninna ap leskro čačo pesso goushto oun ap o čačo pesso tsebo.

3. Mose 5:12

Yob anell ko yarro pash o rashayeste, oun o rashay lell i vast pherdo, oun moukell kava ap i rhačepaskri te rhačrell o baro Debleske. Kava sikrell, kay ko tselo rhapen, hoy anlo vas, o baro Debleske hi. Kava hi i rhapen, hoy o baro Debleske anlo vell, te vell i doosh krik lino.

3. Mose 5:11

Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

Ezekiel 43:18

Oun yob penas ap mande: Tou mensho, kava penell o baro Devel, maro ray: Kava hi, hoy hounte kress ap kava dives, kay hi kay rhačepaskri kerdo, ap kolate firhe rhačedo venn o baro Debleske, oun firhengro rat ap late vitsedo vell.