Hebrearja 8:13 - O Debleskro Lab 2024 (Sinte-Manouche)

¹³ Te penell o Devel kate: Me krau i nevo drom, yaake hi kova, hoy yob o Moseha vin kras, i phouro drom. Oun kova, hoy hi phouro oun bouder či moldo, vell krik lino.

O Debleskro Drom 2021 (Sinte)

¹³ Te penell o Dewel kate: Me krau i newo drom, jaake hi kowa, hoi job o Moseha win kras, i phuro drom. Un kowa, hoi hi phuro un buder tchi moldo, well krik lino.

Hebrearja 8:13 Referans Kwoze

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

Hebrearja 9:15

Har o Yezous Kristo meras, las lo i doosh kol menshendar krik, kay djan ap o phouro drom, oun kras lenge i nevo drom, kay nay venn le pash o Debleste, te djivenn lauter kolla, kay o Devel peske gole das, leha khetne hako tsiro, oun te lenn le ko shoukar bravlepen pash leste an o bolepen, yaake har yob penas.

1. Korintarja 13:8

Vell i tsiro, kay čivell o Debleskro Dourho i patslenge bouder kek lab an o dji. Vell i tsiro, kay dell lo len bouder kek vavar rakepen. Vell i tsiro, kay hounte vell men bouder kek gosvepen. Yek ačella: o Debleskro kamlepen.

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Mateo 24:35

O bolepen oun i phoub ačenna gar. Mire laba ačenna hako tsiro.

Louka 22:20

Pal o rhapen las lo o khoro oun penas: “Kay mool an kava khoro hi miro rat, hoy t'menge ratau. Yaake krau i nevo drom, kay o Devel oun i menshe mala venna.”

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

Hebrearja 1:11

O bolepen oun i phoub ačenn gar. Tou ačeh hako tsiro. O bolepen oun i phoub venn phouro, oun djan paash har i ripen.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.

Hebrearja 8:6

Maro baro rashay hi o Yezous. Koleste das o Devel i feteder boudi har kol rashayende ap i phoub. Yob hi ninna maro rakepaskro, kay kras menge i nevo drom, kay nay vah pash o Debleste. Kava nevo drom hi feteder har o phouro drom, hoy o Mose sikras. Ap kava nevo drom djivah nay čačepah o Debleha khetne, yaake har yob kova menge penas.

Hebrearja 8:8

Yob dikas, kay kol menshe, kolengre phoure o Israel oun o Youda his, gar yaake djivan, har yob lenge penas. Koy penas lo: Ko tsiro vella, kay sikrau len i nevo drom, te venn le mantsa khetne.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.