Hebrearja 8:10 - O Debleskro Lab 2024 (Sinte-Manouche)

¹⁰ Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

O Debleskro Drom 2021 (Sinte)

¹⁰ Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

Hebrearja 8:10 Referans Kwoze

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

5. Mose 30:6

T'maro baro Devel dell t'men djia, hoy shounenn oun krenn, hoy lo t'mendar kamell. T'men oun kolen, kay t'mendar venna, dell lo save djia, yaake te kamenn t'mer t'maro baro Debles o tselo djiyestar oun t'mari tseli zoryah. Oun t'mer ačenn djido.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Remarja 11:27

Ap ko tsiro, kay lau lengro čilačepen lendar krik, penell o Devel, hi kova kerdo, hoy me lenge penom, oun miro vast pre dom.

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Petro 1:23

T'mer van neves boldo oun han čave yekestar, kay merell gar. Ko nevo djipen lan t'mer, har patsan ap o Debleskro lab, hoy hi djido oun ačella hako tsiro.

Zakarie 8:8

Me anau len khere oun moukau len an o foro Yerusalem te djivell. Yon te venn mire menshe. Oun me vau lengro Devel: Me moukau len gar, oun yon djivenn mantsa an o čačepen.”

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

Ezekiel 37:27

Oun me djivau mank lende. Oun me hom lengro Devel, oun yon hi mire menshe.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Jeremia 32:38

Yon hi mire menshe, oun me hom lengro Devel.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

2. Mose 34:27

O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”

Ezekiel 39:22

Oun an ko tsiro dikenn oun hayvenn i Israelitarya, te hom me o baro Devel, lengro Devel, oun bistrenn kova bouder gar.

Kamlepaskri gili 2:16

Miro pirno hi miro, oun me hom leskri. Yob hatsell peskri barht mank i lilya.

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

Jeremia 31:1

O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.

Hosea 2:23

An ko tsiro, penell o baro Devel, kamau te shounell: Me shounau, hoy o bolepen mandar mangell, oun o bolepen shounell, hoy i phoub lestar mangell.

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

2. Mose 34:1

O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.

1. Korintarja 6:16

Djinenn, te djal yek pash i loubni, venn kol douy yek. O Debleskro lab penella: Kol douy venna yek.