Hebrearja 7:9 - O Debleskro Lab 2024 (Sinte-Manouche)

⁹ I rashaya an o them Israel venna pal o Levi. Kolla lenn o deshto kotar, hoy pengre phrala khetne anan. Oun o Levi vas pal o Abraham. Yaake nay penah: Har das o Abraham o deshto kotar, das kova ninna leskro čaveskro čavo, o Levi,

O Debleskro Drom 2021 (Sinte)

⁹ I rashaja an o them Israel wenna pal o Levi. Kolla lenn o deshto kotar, hoi pengre phrala khetne anan. Un o Levi was pal o Abraham. Jaake nai penah: Har das o Abraham o deshto kotar, das kowa ninna leskro tchaweskro tchawo, o Levi,

Hebrearja 7:9 Referans Kwoze

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

1. Mose 14:20

Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

Hebrearja 7:4

Kova sikrell t'men, har baro o Melkisedek his! Koles das maro kamlo dad, o Abraham, o deshto kotar lauterestar, hoy las yob an o kourepen.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.

Mateo 7:8

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Hebrearja 7:8

I rashaya an o them Israel, kolende i menshe pengro deshto kotar denna, kolla hi menshe, kay hounte merenna. O Melkisedek, kolestar hi penlo, te djivell lo.

Hebrearja 7:10

ninna te his o Levi gomme gar boldo, har o Melkisedek pash o Abrahameste djas.