Hebrearja 7:1 - O Debleskro Lab 2024 (Sinte-Manouche)

¹ O Melkisedek his o baro ray pral o foro Salem, ninna o baro rashay o baro Deblestar. An ko tsiro djas o Abraham an o kourepen, oun maras i bare rayen pengre lourdentsa. Har yob pale vas, djas o Melkisedek pash leste, oun rakras o Debleskri barht pral leste vin.

O Debleskro Drom 2021 (Sinte)

¹ O Melchisedek his o baro rai pral o foro Salem, ninna o baro rashai o baro Deblestar. An ko tsiro djas o Abraham an o kurepen, un maras i bare rajen pengre lurdentsa. Har job pale was, djas o Melchisedek pash leste, un rakras o Debleskri bacht pral leste win.

Hebrearja 7:1 Referans Kwoze

Micha 6:6

T'mer poučenn: Har te vap glan o baro Debleste? Hoy te anap ko pralstouno Debleske? Har nay mangau les an? Anap leske groumya, hoy yek bersh phouro hi, te venn le leske maredo oun tseles rhačedo?

Debleskri gili 57:2

Kre tiro dji mange pre, miro Devel! Kre tiro dji mange pre! Pash toute vau, te khatrap man. An tire moussya nashau, bis te kay bibarht krik djas.

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Debleskri gili 78:35

Oun lenge vas an o shero, te hi o Devel kova, kay rikrell len, oun kay yob, o Devel pral halauter, kova hi, kay len vin lell dran o merepen.

Debleskri gili 76:2

An o them Youda prindjrell hakeno o Debles, an o tselo them Israel hi lo prindjedo.

Bičepangre 16:17

Koya las o Paules oun men palla, oun das gole: “Kalla morsha boudrenn ko baro Debleske! Kalla sikrenn t'menge o drom pash leste.”

Daniel 5:21

Oun yob vas pale-čiddo oun nay djivas bouder gar mank i menshende. Oun leskro dji vas har i firheskro dji. Oun yob djivas pash i divye bourike. Oun yon dan les khass te rhal har i groumyen. Oun yob čivas pes vin tele. Oun o brishin peras ap leste tele oun kras les sapeno, bis ap ko dives, kay yob hayvas, te hi o pralstouno Debles i tsele rayengre themma an peskro vast, oun yob dell len koleste, koneste yob kamell.

Daniel 4:2

His yek rati, har homs čiddo ap miro čiben, koy dom souni. Oun koya kras mange daar. Ava, kova, hoy dikom, kras mange bari traash.

Debleskri gili 78:56

Kolla hadan pen pale te pale ap o Debleste, ko pralstuneste, oun kaman gar ap leste te shounell, oun rikran gar leskre laba.

Hebrearja 7:2

Oun o Abraham das les o deshto kotar lauterestar, hoy las yob an o kourepen. Ko lab Melkisedek kharella Čačo Ray. Oun yob his ninna o ray pral o foro Salem. O lab Salem kharella Barht.

Hebrearja 7:3

An o Debleskro lab hi či činlo pral leskro dadeste oun leskri date. Či hi koy činlo pral leskre phourende, vitar gar pral ko dives, kay yob boldo vas, oun kay yob meras. Yaake ačell lo o baro rashay hako tsireske, har o Debleskro čavo.

Hebrearja 7:6

Koleste das o Devel peskro lab, te krell lo les baro, oun te dell lo les boud barht. Ninna te hi o Abraham yaake baro, hi o Melkisedek bareder har yob. Yob las o deshto kotar o Abrahamestar oun rakras o Debleskri barht pral leste vin, ninna te his lo gar leskre menshendar.