Hebrearja 6:10 - O Debleskro Lab 2024 (Sinte-Manouche)

¹⁰ O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

O Debleskro Drom 2021 (Sinte)

¹⁰ O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Hebrearja 6:10 Referans Kwoze

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Markus 9:41

Kova hi o čačepen, hoy me t'menge penau: Koon dell t'men i čaro pani te piyell, oun krell kova doleske, kay han mire mala, koles dell o Devel ko lačepen pale, hoy yob kras.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

Bičepangre 11:29

Koy penan kol patsle an o foro Antiochia: “Mer dah mare phralen an o them Youdea yaake boud love, har hakeno nay della.”

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Bičepangre 10:31

Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.

Johanni 13:20

Čačepah, me penau t'menge: Koon yekes an peskro kheer lella, koles me bičrom, kova lell man an peskro kheer. Oun koon man an peskro kheer lella, kova lell koles an peskro kheer, kay bičras man.”

Nehemia 5:19

Ma biste kova mange, miro Devel, hoy lauter kol menshenge krom!

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

2. Korintarja 9:1

Pral ko lačepen, hoy mer hounte kras i patslenge, hounte činap t'menge gar.

Jeremia 18:20

Yon lourenn koy pre, te taprenn le man. Hi kova mishto, te krenn le mange čilačepen, ninna te krom lenge lačepen? Ma biste, har me glan toute tardo homs, te rakrap lenge mishto, te less tiri rholi lendar krik!

Nehemia 13:31

Oun penom ninna, koon ap havo tsiro o kasht hounte anell rhačepaske, oun krom, te vell o nevo djob oun i neve roukengre anlo. Biste kova mange gar, miro Devel, oun dik lačes ap mande!

Nehemia 13:22

Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

Debleskri gili 20:3

Mou vell lo dran leskro kheer ap tiri rig! Oun dran o foro Sion bičrell lo touke zoor!

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

2. Mose 1:20

I rhačede rhalya daran o Deblestar. Doleske moukas o Devel lenge mishto te djal oun das len bari barht. I Israelitarya van boud oun boudeder oun zorelo oun zorleder.

Sikepaskro 11:1

Vitse tiro maro ap o pani; oun tou hatseh les pale pal boud divessa.

Jeremia 31:16

Kanna penell o baro Devel: Mouk tiri gole oun tiro ropen! Khosse tire sva! Kova, hoy kral tire čavenge, his gar čičeske, penell o baro Devel. Yon venn pale pale dran o them, kay van le tele rikedo.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

Mateo 20:7

Penan le: Kek das men i boudi. Koy penas yob: Djan ap miro kotar them, oun boudrenn mange kote!

Mateo 25:17

Oun ninna kova, kay kol douy gone peskro rayestar las, kova las douy vavar gone pashel.