Hebrearja 5:3 - O Debleskro Lab 2024 (Sinte-Manouche)

³ Doleske hounte marell lo ninna peske i firhes, oun anell les glan o Debleste, te vell leskri doosh krik lino, yaake har yob i vavar menshenge firhen marella, oun glan o Debleste anella.

O Debleskro Drom 2021 (Sinte)

³ Doleske hunte marell lo ninna peske i vieches, un anell les glan o Debleste, te well leskri doosh krik lino, jaake har job i wawar menshenge viechen marella, un glan o Debleste anella.

Hebrearja 5:3 Referans Kwoze

Hebrearja 9:7

Yek kopo an o bersh djas o baro rashay kokres an i palstouni kouč isema. Har djal lo dren, lell lo o rat peha i firhestar, hoy maras lo o Debleske, te lell o Devel leskri doosh lestar, ninna i doosh kol menshendar, kay anan doosh ap pende, ninna te djinan le gar, kay kova, hoy yon kran, i čilačo koova his.

3. Mose 9:7

Oun o Mose penas ap o Aron: “Ab glan o Debleskri rhačepaskri, oun an leske ko firhes, koleha tiri doosh krik lino vell, oun mare ninna touke ko firhes, koleskro tselo mass o Debleske rhačedo vell. Palle kre kova kol firhentsa, hoy i Israelitarya anan, te vell lengri doosh krik lino. Yaake penas kova o baro Devel.”

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.

3. Mose 16:6

O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende.

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.

1. Korintarja 15:3

Ko bareder lab, hoy mange penlo vas, oun hoy me t'menge penom, hi kava: O Yezous Kristo meras menge, te lell lo mari doosh mendar krik, yaake har an o Debleskro lab činlo hi.

Hebrearja 10:12

O Yezous Kristo das pes yek kopo an o merepen, te lell lo i doosh i menshendar krik, oun beshas pes hako tsireske ap o Debleskri čači rig. Kote dikell lo ap ko dives, kay venn kolla tel leskre pire čiddo, kay kaman les gar.