Hebrearja 5:14 - O Debleskro Lab 2024 (Sinte-Manouche)

¹⁴ O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.

O Debleskro Drom 2021 (Sinte)

¹⁴ O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

Hebrearja 5:14 Referans Kwoze

1. Tessalonikarja 5:21

Denn yak, te vell ko lab, hoy yob penas, čačepah o Deblestar! Oun rikrenn kova, hoy mishto hi!

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.

Jesaja 7:15

Khil oun gvin rhal lo, bis te djinell lo, hoy čilačo oun hoy lačo hi.

Efesarja 4:13

Kova te vell yaake, palle ham mer lauter khetne an yek patsepen, oun prindjrah o Debleskro čaves mishto. Boud oun boudeder hayvah, hoy yob mendar kamella, bis te djivah yaake har yob djivas.

Filiparja 3:15

Koon prindjrell kova lauter, hounte djivell yaake. Te hayvell yek t'mendar čomone vavarčandes, pale sikrell les o Devel, har kova čačo hi.

1. Rajengro liil 3:9

Doleske mangau tout, de man i dji, hoy shounella, hoy tou peneh, te nay rakrap o čačepen vin pral i menshende, oun te hayvap, hoy mishto oun hoy gar mishto hi. Har nay dap hakeneste tire boud menshendar peskro čačepen, tou te deh kova mande gar?”

Remarja 14:1

Lenn ninna koles lačes pre, kay hi gar zorelo an o patsepen. Ma čingrenn leha pral o patsepen!

1. Mose 3:5

O Devel djinell, kay djana t'menge i yaka pre ap ko dives, kay rhan ko roukestar. Oun t'mer venna har o Devel oun djinenna, hoy lačo oun čilačo hi.”

2. Samuel 14:17

Čačepah, miro ray, me penom mange: Kova, hoy o baro ray penell, hi mange mishto. Yob hi har i Debleskro bolepaskro, kay djinella, hoy lačo oun hoy čilačo hi. Tiro baro Devel mou ačell touha!”

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

Debleskri gili 119:103

Tiro lab hi har i goudlo rhapen mange, ava, goudleder har gvin hi lo.

Hiob 12:11

Te shounell i mensho, hoy rakedo vell, poučell lo pes gar, hoy čačo oun hoy gar čačo hi? Kova hi yaake har peskro mouy djinell, havo rhapen lačo oun havo rhapen gar mishto hi.

1. Rajengro liil 3:11

Oun o Devel penas ap leste: “Tou nay mangals mandar i lengsto djipen oun bravlepen oun o merepen kolendar, kay kourenn pen touha. Kova kral gar. Tou mangal mandar gosvepen, te rakress o čačepen vin pral i menshende.

Hiob 34:3

Yaake har o mouy hayvell, hi o rhapen lačo oder gar, yaake hounte hatsell o kand vin, hi ko rakepen mishto oder gar.

Hiob 6:30

Rakrell miro mouy rhorhene laba? Na-a! Me djinau, hoy lačo oun hoy čilačo hi!

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Kamlepaskri gili 1:3

Tiro soungepaskro djet soungell yaake lačo. Hakeno prindjrell tout. I tsele ča kamenn tout.

1. Timoteo 4:7

Ma shoun ap dinele parmisse! Kolla venna gar o Deblestar! Dik ap toute, te djivess o djipen, hoy lačo hi glan o Debleskre yaka.

Hebrearja 6:1

Kanna kamah te rakras pral kova, hoy kolenge hi, kay hi phoure an o patsepen, oun bouder gar pral kova, hoy mer kolenge penah, kay hi terno an o patsepen. Mer kamah bouder gar pral kova te rakrell, hoy t'mer shounan, har patslo van! Ap ko tsiro vas t'menge penlo, te moukenn t'maro čilačo drom, hoy an o merepen anella, oun te patsenn ap o Debleste, oun te djan ap leskro drom.