Hebrearja 5:13 - O Debleskro Lab 2024 (Sinte-Manouche)

¹³ I thoud hi i tikne čavenge, kay djinenn gar, hoy hi lačo oun čilačo.

O Debleskro Drom 2021 (Sinte)

¹³ I thud hi i tikne tchawenge, kai djinenn gar, hoi hi latcho un tchilatcho.

Hebrearja 5:13 Referans Kwoze

1. Petro 2:2

Har i ternepen pal o thoud gole della, yaake hounte vell t'men bok pal o Debleskro lab. Palle venn t'mer zorelo an o patsepen oun djan mishto ap ko drom kay anell t'men pash o Debleste.

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

2. Timoteo 3:16

Lauter, hoy an o Debleskro lab činlo hi, čivas o Devel an i menshengre djia, te činenn le kova pre. Men hounte vell o Debleskro lab, te sikras i menshende leskro drom, te sikras len lengri doosh, oun hoy te krenn le feteder, oun har te djivenn le i djipen, hoy o Devel kamella.

Jesaja 28:9

Yon penenn: “Menge kamell yob čomone pashel te anell oun leskre dromma te sikrell? Mer ham bouder kek tikne čave, kay glan i tikno tsiro gomme o thoud pash pengre daya piyan!

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

1. Korintarja 3:1

Mire phrala, me nay rakrom t'mentsa gar har patslentsa, kay djivenn yaake, har o Debleskro Dourho kamella. Me hounte rakrom t'mentsa har kolentsa, kay djivenn pengro phouro djipen. T'mer hans har tikne čave an o patsepen.

2. Korintarja 3:9

Kava nevo drom, kay venn i menshe čačo glan o Debleste, hi boud boud shoukeder har ko phouro drom, kay djan i menshe nashedo, ninna te vas kote i tikno kotar raylepen diklo.

1. Korintarja 13:11

Har homs i tikno čavo, rakrom me har i čavo, oun dikom lauter har i čavo. Oun man his čavengro koova an o shero. Har vom i morsh, čivom o čavengro koova krik.

Debleskri gili 119:123

Mire yaka nashenn pal toute: Le man vin dran o čilačepen, yaake har tou penal an tiro čačepen.

Markus 10:15

Čačepah, me penau t'menge: Koon gar ap mande patsella har kal čave, kova nay vell gar ap o Debleskro drom.”

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Remarja 2:20

Me hom i sikepaskro kolenge, kay či djinenna oun hayvenna. An o Moseskre laba hi man o tselo gosvepen oun čačepen.”

2. Johanni 1:11

Koon les parkrella, koles hi ninna doosh ap leskro čilačo koova, hoy yob krella.