Hebrearja 4:3 - O Debleskro Lab 2024 (Sinte-Manouche)

³ Mer, kay patsah, hoy o Devel penas, mer vah an o Debleskro them. I vavarendar penell lo: An miri rholi dom man sovel, oun penom: Yon venn gar dren an miro them, kay vans le hako tsiro pash mande khere. Kava them hi koy yaake rah, har o Devel o bolepen oun i phoub kras. Lauter his kerdo, har yob o bolepen oun i phoub an shob divessa kras.

O Debleskro Drom 2021 (Sinte)

³ Mer, kai patsah, hoi o Dewel penas, mer wah an o Debleskro them. I wawarendar penell lo: An miri choli dom man sowel, un penom: Jon wenn gar dren an miro them, kai wans le hako tsiro pash mande khere. Kau them hi koi jaake rah, har o Dewel o bolepen un i phub kras. Lauter his kerdo, har job o bolepen un i phub an shob diwessa kras.

Hebrearja 4:3 Referans Kwoze

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

1. Petro 1:20

Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.

Hebrearja 9:26

Te vals kova gar yaake, hounte merals lo boud kope yaake rah, har i phoub koy hi. Yob vas kanna an kava tsiro, kay mer djivah, te merell lo, oun te lell lo yek kopo hako tsireske i doosh i menshendar.

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

1. Mose 1:31

Oun o Devel dikas halauter, hoy yob kras, oun čačepah halauter his mishto. Oun vas rati oun pale taysarlakro. Kova his o shobto dives.

Hebrearja 3:11

Yaake rhoyedo homs ap lende, te dom man sovel, oun penom: Yon venn gar dren an miro them, kay yon pash mande khere nay vans.

Mateo 13:35

Oun yaake vas kova čačo, hoy o Debleskro rakepaskro glan i rah tsiro penas: O Devel penas: Me rakrau ap lende save labentsa, kay i khatedo čačepen dren hi. Me penau lenge kova, hoy kek mensho djinas, yaake rah har i phoub tardo hi.

Jesaja 28:12

Kova rakras yob, kay glan rah tsiro ap lende penas: “Kate hi o them, kay nay lenn nevi zoor. Moukenn kolen pen tele te čivell, kay yaake tele maredo van. Kate nay čivenn le pen tele.” Yon kaman gar te shounell.

2. Mose 20:11

An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.