Hebrearja 2:13 - O Debleskro Lab 2024 (Sinte-Manouche)

¹³ Oun pale penell lo: Me čivau man an o Debleskre vasta. Oun pale penell lo: Dik, kate hom me kal čaventsa, kay o Devel das man.

O Debleskro Drom 2021 (Sinte)

¹³ Un pale penell lo: Me tchiwau man an o Debleskre wasta. Un pale penell lo: Dik, kate hom me kal tchawentsa, kai o Dewel das man.

Hebrearja 2:13 Referans Kwoze

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

1. Korintarja 4:15

Ninna te vals t'men deesh zerya sikepangre, kay sikrenn t'men, har te djan ap o Yezous Kristeskro drom, hi t'men yek dad kokres an o patsepen. Kova hom me. Me penom t'menge o lačo lab o Yezous Kristestar oun t'mer lan ko lab pre.

Johanni 10:29

Miro dad, kay das len mande, hi bareder har halauter. Oun kek nay tserdell len dran miro dadeskro vast vin.

Debleskri gili 91:2

kova penell ap o baro Debleste: “Pash toute hom khere. Tou hal mange har i baro zorelo kheer, miro Devel, ap toute dikau.”

1. Mose 48:9

Oun o Yosef penas peskro dadeske: “Kolla hi mire čave, kay o Devel das man kay.” “An len pash mande”, penas o Yakob, “te rakrap o Debleskri barht pral lende vin.”

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

2. Samuel 22:3

Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga. Tou kreh miro djipen sasto, oun kreh, te doukrell man kek.

1. Mose 33:5

Oun o Esau dikas pre oun dikas i djouvyen i čaventsa oun poučas lestar: “Koon hi kolla, kay pash toute hi?” Penas o Yakob: “Miro Ray, kalla hi mire čave. O Devel his mange yaake lačo, kay das lo man kal čave.”

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

Debleskri gili 16:1

I gili o Davidestar. Rike tiro vast pral mande, miro Devel! Me čivau miro tselo patsepen ap toute.

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.