Hebrearja 13:5 - O Debleskro Lab 2024 (Sinte-Manouche)

⁵ Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

O Debleskro Drom 2021 (Sinte)

⁵ Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!

Hebrearja 13:5 Referans Kwoze

5. Mose 31:8

O baro Devel hi kova, kay djal glan toute, yob hi touha! Yob ačell pash toute oun moukell tout gar kokres. Ma dare či oun ma traash kekestar!”

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

5. Mose 31:6

Avenn zoreles oun ma trashenn! Ma darenn či oun trashenn kekestar! T'maro baro Devel hi kova, kay djal t'mentsa. Yob ačell pash t'mende oun moukell t'men gar kokres.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

Mateo 6:25

Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Mateo 6:34

Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Debleskri gili 119:36

Kre te dikap ap tire laba, hoy mange sikrenn, har te djivap, oun dikap gar ap o bravlepen!

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

Efesarja 5:5

T'mer hounte djinenn: An o bolepen, kay hi o Yezous Kristo oun o Devel i raya, kote venn kek morsha dren, kay sovenn vavar djouvyentsa, vitar kek djouvya, kay sovenn vavar morshentsa, vitar kek, kay krell djoungelo koova, vitar kek, kay nashell pal i love. Kova, kay nashell pal i love, koleske hi o bravlepen peskro devel.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

2. Mose 2:21

O Regouel poučas o Mosestar, te ačell yob pash leste, oun o Mose penas: “Ava! Mishto!” O rashay das peskri čay, i Sefora, leste, te romedinerell yob lat.

Efesarja 5:3

T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

Louka 8:14

Ko kotar phoub, kay o djob mashkral i soubyengre bourra peras, hi har o dji kol menshendar, kay shounenn o Debleskro lab oun rikrenn les i tsiro an pengre djia. Te vell i daar an lengro djipen, oun te vell o bravlepen glan lengre yaka, oun ko shoukar djipen, palle vell ko lab lendar tassedo oun rakrell bouder gar an lengre djia.

Markus 7:22

Te rhorhell i morsh peskri romyat i vavar djouvyah, oun te rhorhell i djouvel peskro romes i vavar morsheha, vell kova dran lengre djia. Dran o dji vell ninna i bok pal i love, o rhorhepen, vi-ladjedo koova oun dinlepen. Dran o dji vell ninna, te dikell yek čilače yakentsa ap kova, hoy o vavares hi, te hi lo midjak ap o vavareste, te rakrell lo djoungeles pral o vavareste, te hadell lo pes pral o vavareste.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

Remarja 1:29

Yon hi pherdo čilačepen, djounglepen, ninna bok pal i love. Yon hi čilačo oun zilverenn, čingrenn, rhorhenn, marenn, oun doukrenn i vavaren. Yon rakrenn djoungeles pral i vavarende,

Josua 7:21

Mank ko tselo koova, hoy lam lendar, dikom i shoukar plaashka dran o them Shinar, oun 200 (douy-sheel) roupeni kotya oun i baro lengsto sonakaskro kotar, hoy yek paash kilo phares hi. Oun me nay rikrom man gar pale oun lom kova. Oun halauter hi an miro plarhteno kheer, an i phoub khatemen. Oun o roup hi tel o vavar.”

1. Mose 31:5

Oun yob penas ap lende: “Hayvom, kay t'maro dad dikell bouder gar lačo ap mande har glan kava tsiro. Miro dadeskro Devel his mantsa.

5. Mose 4:31

O baro Devel hi i Devel, kay t'menge peskro dji pre krell. Yob moukell t'men gar, oun moukell t'men gar vin te merell, oun bistrell gar, hoy lo t'mare phourentsa vin kras.

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Rajengro liil 6:13

oun me kamau te djivap an kava kheer, hoy tou mange kreh, mank i Israelitarya, oun kamau mire menshen Israel gar kokres te moukell.”

1. Rajengro liil 8:57

Mou ačell maro baro Devel mentsa, yaake har yob mare phourentsa his, te ačell lo pash mende oun moukell men gar kokres!

Gosewe laba 23:4

Ab yaake gosevo, te maress tout gar tele, bravelo te vell.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Mateo 6:19

Anenn t'menge kek bravlepen ap i phoub khetne! Kote hi i kirme, hoy i ripya rhana. Koy krell o pani o saster paash. Kote hi i čorepangre, kay čorenn t'maro bravlepen.

2. Korintarja 4:9

Ninna te lenn le men palla, hi o Devel pash mende. Ninna te vitsrenn le men tele, stah pale pre.

1. Mose 30:31

Koy penas o Laban: “Hoy te playsrap touke?” “Tou hounte dess man či”, penas o Yakob. “Te kreh kova, hoy touke penau, kamau te dap doureder yak ap tire firhende: