Hebrearja 13:21 - O Debleskro Lab 2024 (Sinte-Manouche)

²¹ Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

O Debleskro Drom 2021 (Sinte)

²¹ Mangau o Deblestar, te dell lo tumen i soor, te krenn lauter kowa, hoi latcho hi, jaake har job kamella. Mu dell lo men i soor, te djiwas jaake, har mishto hi glan leskre jaka. O Jesus Kristo nai krell kowa. Sharas o Jesus Kristes kanna un hako tsiro! Amen.

Hebrearja 13:21 Referans Kwoze

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

2. Tessalonikarja 2:17

te dell lo t'men zoor an t'mare djia, te nay krenna oun penenna lauter, hoy mishto hi.

Filiparja 4:13

O Yezous Kristo dell man i zoor, te djivap yaake te yaake.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

2. Korintarja 9:8

O Devel nay dell t'men yaake boud, kay hi t'men hako tsiro doha halauterestar, yaake te nay denn t'mer i vavaren čomone.

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

Judas 1:25

Sharas koles, kay kokres o Devel hi! Yob las men dran o čilačepen vin, har maro ray, o Yezous Kristo, menge meras. Maro Devel hi o baro ray. Les hi i tseli zoor kanna oun glan kava tsiro oun an ko tsiro, hoy vella. Amen.

1. Johanni 2:17

Kay phoub ačella gar, vitar gar kova, hoy i menshe ap kay phoub kamenna. Koon krella, hoy o Devel kamella, kova ačella hako tsiro.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 6:13

Ma mouk men tiro dromestar tele te djal! Le men dran o bengeskro vast vin!

Debleskri gili 138:8

Baro Devel, tou leh miro koova an tiro vast. Baro Devel, tiro lačepen ačella hako tsireske. Ma mouk kova, hoy lal an tiro vast!

Debleskro tsiro 5:13

Oun me shounom i gili, hoy lauter givan, kay an o bolepen hi, oun ap i phoub, oun tel i phoub, oun an o baro pani. Oun yon givenn: “Koleske, kay ap o rayeskro beshepaskro beshdo hi oun ko terno bakreske, kolenge hi i gilya, oun o sharepen, oun o raylepen, oun i zoor pral lauter, kanna oun hako tsireske.”

Debleskro tsiro 4:6

Glan o rayeskro beshepaskro his čomone har i baro pani dran vali. Kova his yaake djoudjo, te dikenn le nay dren, har dikenn le an i vali. Troul o rayeskro beshepaskro his star zorele bolepangre, yek ap haki rig. Kolla his pherde yaka glan oun palla.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

1. Tessalonikarja 4:3

O Devel kamell, te djivenn t'mer i djoudjo djipen, te sovell kek rom i djouvyah khetne, kay hi gar peskri romni, oun kek djouvel i morsheha, kay hi gar peskro rom.

Kolossarja 3:20

T'mer čave, shounenn hako tsiro ap t'maro dadeste oun ap t'mari date! Kova kamell o ray Yezous t'mendar.

Filiparja 2:11

Oun lauter hounte penenna: “O Yezous Kristo hi o ray pral lauter!” Oun yaake sharenn le o Debles, maro dades an o bolepen.

Galatarja 1:5

Koles sharas kanna oun hako tsiro! Amen.

Remarja 11:36

Lestar vas halauter. Halauter djivell lestar, oun halauter djal pale pash leste. Sharas o Debles kanna oun hako tsiro! Amen.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

Remarja 16:27

Yob kokres hi gosevo, oun bičras menge o Yezous Kristes. Sharedo vell yob hako tsiro! Amen.

Johanni 17:23

Me djivau an lende. Oun tou djiveh an mande. Yaake te venn yon yek. Oun i menshe dikenna, kay tou man bičral, oun kay tou len yaake kameh, har tou man kameh.

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Mateo 21:31

Koon kol douyendar kras kova, hoy o dad kamas?” Penan le ap leste: “O phoureder.” Penas o Yezous: “Čačepah, me penau t'menge: Kol bibolde, kay i love i Remaryenge dren lenna oun hi t'menge pale-čiddo, oun i loubya venna sikeder ap o Debleskro drom har t'mer.

Mateo 7:21

Kolen, kay penenn ap mande Ray, ray lell o Devel gar lauter pash peste an o bolepen. Na-a! Kolla kokres, kay krenna, hoy miro dad an o bolepen kamella, kolen lell lo an o bolepen.

Mateo 12:50

Kova, kay krella, hoy miro dad an o bolepen kamella, kova hi miro phraal, oun miri pheen, oun miri day.”

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!