Hebrearja 13:2 - O Debleskro Lab 2024 (Sinte-Manouche)

² Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

O Debleskro Drom 2021 (Sinte)

² Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

Hebrearja 13:2 Referans Kwoze

Mateo 25:35

Man his bok. Oun t'mer dan man te rhal. Man his troush. Oun t'mer dan man te piyell. Me homs kek t'mendar. Oun t'mer lan man an t'mare khera.

1. Mose 18:1

Oun o baro Devel moukas pes te dikell o Abrahamestar pash kol bare rouka Mamre, har o dives tato his oun o Abraham glan peskro plarhteno kheer beshdo his.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

1. Petro 4:9

Lenn yek o vavares kamles an peskro kheer! Oun rhoyrenn t'men gar pral koy boudi, hoy t'men hi!

Mateo 25:43

Me homs kek t'mendar. Oun t'mer lan man gar an t'mare khera dren. Man his kek ripen, oun t'mer dan man kek. Me homs nasselo oun stildo, oun t'mer van gar pash mande.

Tito 1:8

Na-a, yob vell gar yaake! Yob lell i vavaren lačes an peskro kheer dren! Les vell i baro dji i vavarenge. Yob dell pes yak, hoy yob rakrella. Yob hi čačo oun krella, hoy o Devel kamella. Yob nay lell pes khetne.

Hiob 31:32

Kolla, kay ap pengro drom pash miro voudar van, kolenge krom me pre. Kek vi-themari hounte sovas vin ap o drom.

3. Mose 19:34

Djan leha yaake trouyel, har te vals lo yek t'mendar! Tou vess yaake lačes ap leste har hal lačes ap toute. T'mer ninna hans vi-themarya an o them Egiptia. Me, o baro Devel, hom t'maro Devel.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

Remarja 16:23

O Gayo, – kova las man an leskro kheer dren, – penell t'menge lače laba. An leskro kheer venn i tsele patsle khetne. Ninna o Erasto, kay dell garda ap o foreskre love, oun o Kvarto, miro lačo phraal an o patsepen, penenn t'menge lače laba.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Hiob 31:19

Te dikom yekes, kay yaake čorvelo his, te his les kek ripen, te tatsrell lo pes,

2. Rajengro liil 4:8

His i dives, kay djas o Elisa an o gab Shounem. Koy his i braveli djouvel. Koya mangas lestar, te rhal yob pash late. Oun hako kopo, har vas yob an ko gab, djas yob pash late oun rhas koy.

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

3. Johanni 1:5

Lačo phraal, tou kreh i lači boudi tire phralenge, ninna te prindjreh len gar.