Hebrearja 13:17 - O Debleskro Lab 2024 (Sinte-Manouche)

¹⁷ Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

O Debleskro Drom 2021 (Sinte)

¹⁷ Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

Hebrearja 13:17 Referans Kwoze

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

1. Korintarja 16:16

shounenn ap kolende oun ap savende har yon, kay boudrenn o Debleske pengri tseli zoryah!

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

2. Mose 32:31

O Mose djas pash o baro Debleste pale oun penas: “Ah, kol menshe anan bari doosh oun ladj ap pende. I debles dran sonakay kran yon penge.

Filiparja 2:29

Lenn les o djiyestar pash t'mende pre! Yob hi maro phraal an o patsepen ap o rayeste, o Yezouseste. Save phrala har yob hi t'menge boud moldo.

Remarja 14:12

Ap ko dives vell hakeno mendar glan o Debleste oun hounte penell leske, hoy yob kras oun hoske yob kova kras.

2. Tessalonikarja 3:14

Yek te krell kova gar, hoy mer an kava liil činam, penenn kova i vavar patslenge, oun rikrenn t'men lestar pale, te vell i ladj pral leste!

Hebrearja 13:24

Penenn lače laba mendar kolenge, kay denn garda ap t'mende, oun ninna ap i tsele patslende! I patsle dran o them Italia penenn t'menge “Ačenn o Debleha!”

Jesaja 62:6

Yerusalem, me čivom morshen ap tire massourya, te denn le yak ap toute. O tselo dives oun i tseli rat denn le bares gole, oun moukenn gar tele, te bistrell tout o baro Devel gar.

Filiparja 4:1

Mire kamle phrala, me kamau o tselo djiyestar pash t'mende te vell. T'mer han miri barht oun miro raylepen. Doleske ačenn zoreles pash maro rayeste, o Yezouseste!

Filiparja 3:18

Me penom t'menge, oun penau les kanna pale i ropah: Boud menshe djivenn yaake, har te vals lenge o Yezouseskro merepen ap o troushel či moldo.

Jakobo 4:7

Doleske, shounenn ap o Debleste! Krenn lauter, hoy yob kamella! Ma krenn, hoy o beng kamella! Yaake nashell o beng t'mendar.

Filiparja 1:4

Oun hako tsiro, kay mangau o Debles t'menge lauterenge, hom barhtelo pral t'mende.

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

Gosewe laba 5:13

Hoske shounom gar ap mire sikepangre, oun dom yak ap lengro rakepen?

1. Samuel 8:19

I menshe kaman gar ap o Samueleste te shounell, oun penan: “Na-a, mer kamah, te vell i baro ray pral mende,

1. Mose 16:9

Penas o bolepaskro ap late: “Dja pale pash tiri rani! Oun shoun ap late!”

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Efesarja 5:21

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

Ezekiel 33:2

Tou, mensho, rake ap i menshende dran tiro them, oun pen lenge: Te anau me o rharo pral i them, oun i menshe an ko them rodenn i morshes lendar vin, te dell yob yak,