Hebrearja 13:13 - O Debleskro Lab 2024 (Sinte-Manouche)

¹³ Doleske djas pash leste vin glan o foro, te las o praasepen ap mende yaake, har yob o praasepen ap peste las!

O Debleskro Drom 2021 (Sinte)

¹³ Doleske djas pash leste win glan o foro, te las o praassepen ap mende jaake, har job o praassepen ap peste las!

Hebrearja 13:13 Referans Kwoze

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

Mateo 5:11

T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Hebrearja 12:3

Dikenn, havo čilačo koova i čilače menshe ap leste kran, te venn t'mer gar khino an t'mare djia, oun te ačenn zoreles an o patsepen!

1. Petro 4:4

Kanna djivenn t'mer bouder gar ko djoungelo djipen har kol čilače. Kova djal kolenge gar an o shero. Doleske čingrenn le ap t'mende.

Mateo 27:32

Har yon dran o foro vin djan, dikan le i morshes dran o foro Kirene. Leskro lab his Simon. Koles tapran le i zoryah, oun kran, te hidjrell lo o Yezouseskro troushel.

Louka 9:23

Oun o Yezous penas ap lauterende: “Koon ap miro drom mantsa djala, kova hounte bistrell, hoy leske kokres mishto hi, oun lell peskro troushel hako dives ap peste oun djal mantsa.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 12:4

Me djinau, t'mer kamenn gar, te vell o čilačepen o ray pral t'mende. Ninna te vas t'menge pharo, te penenn na-a ap o čilačepen, meran doleske gomme gar.