Hebrearja 13:12 - O Debleskro Lab 2024 (Sinte-Manouche)

¹² Yaake meras o Yezous ninna vin glan o foro, te krell lo peskro rateha i menshen erligo glan o Debleste.

O Debleskro Drom 2021 (Sinte)

¹² Jaake meras o Jesus ninna win glan o foro, te krell lo peskro rateha i menshen erligo glan o Debleste.

Hebrearja 13:12 Referans Kwoze

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Bičepangre 7:58

tradan les dran o foro vin, oun vitsran barrentsa ap leste. Oun kolla, kay vitsran i barra, rivan pengre koola vin, oun i terno morsh, kay kharas Saulo, das ap lende yak.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

4. Mose 15:36

Koy kran le yaake har o baro Devel ap o Moseste penas oun anan ko morshes vin glan i platsa oun vitsran barra ap leste, yaake te meras yob.

3. Mose 24:23

O Mose penas kova i Israelenge. Oun yon kran yaake, har penas o baro Devel ap o Moseste, oun anan ko morshes, kay o baro Debles praasas, vin glan koy platsa, kay i Israelitarya his, oun vitsran les i barrentsa moulo.

Hebrearja 10:29

Te his kova yaake koleha, kay kras gar, hoy o Mose penas, kitse zorleder vell o Debleskri rholi pral koleste, kay o Debleskro čaves pestar stakrella, oun krella, har te vals o Yezous Kristeskro rat či moldo. Oun kava rat lals peskri doosh krik, oun krals les erligo glan o Debleste. O Debleskro Dourho his leske lačes, oun yob doukras les.

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Josua 7:24

Oun o Yosua oun i tsele Israelitarya lan o Akanes, koleskro dad o Zera his, oun ko roup, koy plaashka oun ko baro lengsto sonakaskro kotar, ninna leskre čaven oun leskre čen, leskre groumyen oun bourike, bakre oun leskro plarhteno kheer, oun halauter, hoy leske his, oun anan len an i tala, hoy kharella Akor.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Johanni 19:34

Yek kol lourdendar das les peskro rhareha an i rig čourye. Koy vas pani oun rat vin.

Louka 4:29

Yon stan pre, oun tradan les dran o foro vin, anan les pral ap i berga, kay lengro foro pre tardo hi, te vitsrenn le les tele.

Hebrearja 10:10

Har o Yezous Kristo ap o troushel menge meras, kras lo kova, hoy o Devel kamas. Oun mari doosh las lo yek kopo hako tsireske mendar, oun yob kras men yaake djoudjo oun erligo glan o Debleste.

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.