Hebrearja 12:27 - O Debleskro Lab 2024 (Sinte-Manouche)

²⁷ Kol laba i vavar kopo sikrenn men: Kova, hoy kerdo vas, – o bolepen oun i phoub, – kova ačell gar zoreles tardo oun vell krik lino. Palle ačell kova, hoy zoreles tardo hi, oun hako tsiro ačella.

O Debleskro Drom 2021 (Sinte)

²⁷ Kol laba i wawar kopo sikrenn men: Kowa, hoi kerdo was, – o bolepen un i phub, – kowa atchell gar soreles tardo un well krik lino. Palle atchell kowa, hoi soreles tardo hi, un hako tsiro atchella.

Hebrearja 12:27 Referans Kwoze

1. Korintarja 7:31

Kay phoub oun lauter, hoy koy pre hi, ačella gar. Doleske pandenn t'men gar ap ko koova, hoy i menshenge ap kay phoub yaake boud moldo hi!

Mateo 24:35

O bolepen oun i phoub ačenna gar. Mire laba ačenna hako tsiro.

Debleskro tsiro 21:1

Oun me dikom i nevo bolepen oun i nevi phoub. O phouro bolepen oun i phouri phoub his bouder gar koy. Oun o baro pani his bouder gar koy.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Ezekiel 21:27

Ko sikepen sikrell ap i čači rig oun penell leske, te djal lo peskre lourdentsa an o foro Yerusalem. Kote denn le bari gole – i bari kourepaskri gole. Yon čivenn bare pesse roukengre kotya pash i voudya an o foreskri massouri, te denn le kolentsa i voudya dren. Ninna čivenn le čik pre vin troul i massouri, te nay djan le pral ap i massouri. Oun yon krenn turme, te denn le karye an o foro.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jesaja 54:10

I berge nay djan ap i rig, oun i tikne berge nay perenn khetne, miro lačepen, kova djal gar toutar, oun kova, hoy vin kram, te ham mer mala, ačell tardo. Kova penau me, o baro Devel, kay peskro dji touke pre kras.

Jesaja 65:17

Čačepah, me krau i nevo bolepen, oun i nevi phoub. Oun ko phouro bolepen oun koy phouri phoub hi palle bistedo, oun venn bouder gar i menshenge an o shero.

Jesaja 66:22

T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.

Haggai 2:21

Pen ap o Zorobabel, ko pralstuneste pral o them Youda: Me krau, te trissell o bolepen oun i phoub.

Remarja 8:19

Halauter, hoy o Devel kras, dikell peskro tselo djiyeha ap ko tsiro, kay o Devel halauteren sikrella, koon leskre čave hi.

Remarja 8:21

kay hounte merenn le bouder gar oun venn yaake nevo oun raylo har o Debleskre čave nevo oun raylo venna.

Hebrearja 1:10

Pale penas lo ap leste: Tou hal o baro ray, oun kral i phoub glan i rah tsiro. Oun tire vasta kran o bolepen.

Hebrearja 9:11

Kanna vas o Yezous Kristo. Yob hi maro baro rashay oun anas men o bolepaskro bravlepen. O Debleskro kheer an o bolepen, kay yob dren djas, hi bareder oun feteder har ko Debleskro kheer ap i phoub. O Debleskro kheer an o bolepen hi gar i menshendar kerdo.

Hebrearja 13:14

Ap kay phoub hi men kek foro, kay nay ačenna. Na-a. Mer dikah ap ko tsiro, kay djivah an o Debleskro foro, hoy vella.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 21:5

Oun kova, kay ap o Debleskro beshepaskro beshdo hi, penas: “Dikenn, me krau lauter neves.” Oun ap mande penas lo: “Čin kal laba an i liil! Kal laba hi čačo. Oun yaake vell lauter.”