Hebrearja 12:25 - O Debleskro Lab 2024 (Sinte-Manouche)

²⁵ Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

O Debleskro Drom 2021 (Sinte)

²⁵ Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Hebrearja 12:25 Referans Kwoze

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Zakarie 7:11

Mire menshe kaman gar yak te dell ap mire laba, oun rissran mange pengro doumo, oun pandan pengre kanda, te shounenn le gar, hoy me lenge penom.

Gosewe laba 13:18

An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

5. Mose 30:17

Te krenn t'mer gar, hoy t'maro baro Devel t'mendar kamell, oun shounenn gar ap leskre laba, oun moukenn t'men tele te anell leskro dromestar, oun mangenn vavar deblen an,

2. Mose 20:22

Koy penas o baro Devel ap o Moseste: Yaake peness tou ap i tsele Israelitarya: T'mer dikan, te rakrom me dran o bolepen t'mentsa.

Mateo 8:4

Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Gosewe laba 8:33

Shounenn, te dau t'men trad! Lenn kova ap o dji oun krenn, hoy penom!

Gosewe laba 1:32

Kolen či an o shero hi, kolla rissrenn o Debleske o doumo; oun kova anell lenge o merepen. Oun lengro pre-phourdepen marell len.

Gosewe laba 1:24

Har kharom t'men, kaman gar te shounell. Har hadom miro vast, dan t'mer gar yak.

2. Familjakro liil 7:19

Te moukenn t'mer miro drom, oun rikrenn t'men gar ap mire laba oun miro čačepen, hoy me t'menge dom, oun djan pash vavar debla, oun mangenn len an, oun vitsrenn t'men glan lende tele ap i phoub,

1. Rajengro liil 12:16

Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.

Josua 22:16

O baro Debleskre tsele menshe moukenn t'menge te penell: “Havo čilačo koova kran t'mer ap o Israeleskro Debleste! Hoske moukan o baro Debles, oun kran t'menge i altaro? Koleha perenn o baro Deblestar tele!

4. Mose 32:15

Te djan t'mer lestar krik, moukell yob kal menshen i rah tsiro an o moulo tato them, oun t'men hi doosh, te djan le halauter tele.”

2. Mose 16:29

Dom me, o baro Devel, t'men gar o Debleskro dives? Doleske dau me t'men ap o shobto dives doha maro, te nay rhan les douy divessa. Yaake ačell hakeno t'mendar khere. Kek moukell ap o eftato dives i platsa, kay lo khere hi.”

2. Timoteo 4:4

Palle shounenn yon bouder gar ap o čačepen. Yon shounenn ap rhorhene parmisse.

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

Bičepangre 7:35

O Devel bičras kava Moses, kay pash peskre menshende či moldo his. Kova dikah mer koy pre, har yon penan: Koon kras tout pral mende čačepaskro oun ray, te hounte shounas mer ap toute? O Devel bičras les, te vell lo ray pral lende, oun te anell lo len dran ko them vin, kay yon pandle boudepangre his. Kova penas leske ko bolepaskro, kay dran i soubyengro bour ap leste rakras.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Jesaja 48:6

Kova lauter shounan t'mer, oun dikan, kova vas yaake har penom. Kamenn t'mer kova gar dren te dikell oun doureder te penell? Kanna moukau t'men nevo koova te shounell, čomone, hoy khatedo his, oun t'mer gar prindjrenn.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Hebrearja 3:17

Pale poučau t'mendar: Pral koneste vas o Debleskri rholi star-deesh bersha? Leskri rholi vas ap kolende, kay kaman bouder gar ap leskro drom te djal. Kolla meran an o moulo them, oun ačan kote čiddo.

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Debleskro tsiro 22:9

Oun yob rakras ap mande oun penas: “Ma kre kova! Me hom o Debleskro boudepaskro har tou oun tire phrala, kay o Debleskre rakepangre hi. Oun me hom ninna yek kolendar, kay rikrenn kal laba an pengre djia, hoy an kava liil činlo hi. Ma share man! Share o Debles!”

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

5. Mose 4:36

Dran o bolepen vin rakras lo ap t'mende, te sikrell lo t'men leskro drom. Oun ap i phoub moukas lo t'men peskri bari yag te dikell. Oun dran koy yag vin shounan t'mer kol laba, hoy yob ap t'mende rakras.

5. Mose 18:19

Oun ko mensho, kay gar ap mire laba shounell, hoy i rakepaskro an miro lab rakras, koleske dau me i phagi.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

Hebrearja 12:19

Yon shounan i bashepaskri, kay yek dren phourdas. Ninna shounan le i zorelo rakepen, hoy penas: Hakeno, kay taprell koy berga i vastentsa, hounte vell i barrentsa maredo. Ninna ko firho hounte merella, hoy kote djala. Har yon kol laba shounan, djas kova lenge yaake an o dji, te mangan le o Mosestar, te venn kol zorele laba bouder gar ap lende rakedo.

Josua 22:15

Oun har van le an o them Gilead, penan le ap lende: