Biblia Todo Logo
Bib sou entènèt

- Piblisite -




Hebrearja 12:23 - O Debleskro Lab 2024 (Sinte-Manouche)

23 Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Gade chapit la Kopi

O Debleskro Drom 2021 (Sinte)

23 Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.

Gade chapit la Kopi




Hebrearja 12:23
45 Referans Kwoze  

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.


O Debles his an peskro dji i feteder drom menge. Yob kamas gar, te venn kol phoure patsle glan maro tsiro pash leste. Yob kamell, te vas mer lauter khetne pash leste an o bolepen.


Avenn gar barhtelo, te shounenn i benga ap t'mende! Avenn barhtelo, kay t'maro lab an o bolepen dren činlo hi!”


Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.


Oun rake ap leste: Yaake rakrella o baro Devel: O Israel hi miro phoureder čavo.


Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”


Tou hal o čačepaskro ray pral i tseli phoub, de kol pre-phourden pengri phagi!


Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,


glan o baro Debleste. Yob vella. Ava, yob vella, oun anell o čačepen ap i phoub. Yob rakrell o čačepen vin pral i menshende an hake themma. Oun hi lengro čačepaskro ray, kay djal pal o čačepen.


Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.


Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.


An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.


Hi kava morsh kek lačo ray pral peskro kheer, nay vell lo vitar gar i lačo ray pral i patslende, kay venn khetne an o Debleskro lab.


Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.


O Devel das halauter an leskre vasta, oun kras, te vas o Yezous Kristo o pralstouno pral i patslende.


Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.


Yob hi o Mensheskro Čavo. Oun o Devel das an leskro vast, te rakrell lo i phagi vin pral i menshende.


glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.


Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.


Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.


Čačepah, maro dji hi zorelo, oun mer kamams, te moukas i phoub, te vas khere pash o Debleste.


Te hi ko tsiro koy, kay i moule djido venna, oun i djide bouder gar merenna, palle vell kova čačo, hoy an o Debleskro lab činlo hi: O merepen nashras peskri zoor. Lestar trashah mer bouder gar.


Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.


Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.


O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.


Sharedo vell o baro Devel! Miro tselo djiyestar sharau o baro Debles kote, kay kolla khetne venna, kay o čačo drom djan.


Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.


Koon an o bolepen hi yaake har tou, maro baro Devel? Havo Devel nay vell yaake har maro baro Devel?


Čin haki doosh lendar an i liil; yaake te moukess len tou gar an tiro čačepen te vell.


Na-a, yob hounte dell ko vavares douy kope yaake boud, yob hi o phoureder, ninna te his lo koy romyatar, kolat kamell lo gar. Yob vas glanstounes boldo oun leske hi o čačepen, te lell lo, hoy o phoureder lell.


“Hako morsh čavo, kay hi o phoureder peskri datar pash i Israelitarya, ninna pash lengre firhende, dess tou mange. Kova hi miro.”


Mangau tout: Biste lengri doosh! Te kameh tou kova gar te krell, palle le miro lab krik dran tiro liil, hoy tou činal.”


Kanna dikah vin har kova, kay vas kerdo dran čik. Te vah an o bolepen, dikah vin har kova, kay vas dran o bolepen.


Oun yob penell ap o Debleste: Me sikrau mire phralende, koon tou hal. Oun kote, kay yon khetne venna, sharau tout oun givau gilya touke.


Oun o terno bakro pandas i pančti dori pre, hoy rikras ko liil khetne. Oun me dikom kol tsele menshen, kay rikran zoreles ap o Debleskro lab, oun sikran i menshende o Debleskro drom, oun van doleske maredo. Yon his tardo pash o Debleskri rhačepaskri.


Oun hakenes lendar las i parno ripen. Oun yek penas ap lende: “Moukenn tele i tikno tsiro! T'mare phrala, kay boudrenn o Debleske har t'mer boudran, kolendar venna ninna maredo, yaake boud har o Devel moukell, te venn le maredo.”


Swiv nou:

Piblisite


Piblisite