Hebrearja 12:18 - O Debleskro Lab 2024 (Sinte-Manouche)

¹⁸ Shounenn, mire phrala! T'maro tsillo, kay venn khetne o Debleha, hi gar ko emligo har pash i Israelitarya. Yon djan pash i berga Sinay, oun pash i yag, hoy dikan le nay. Troul lende his kali rat oun i zorelo dourho phourdas.

O Debleskro Drom 2021 (Sinte)

¹⁸ Shunenn, mire phrala! Tumaro tsillo, kai wenn khetne o Debleha, hi gar ko emligo har pash i Israelitarja. Jon djan pash i berga Sinai, un pash i jag, hoi dikan le nai. Trul lende his kali rat un i sorelo ducho phurdas.

Hebrearja 12:18 Referans Kwoze

5. Mose 4:11

Kote van t'mer oun hans tella pash i berga tardo, oun i berga rhačas bis pre an o bolepen. Troul late his kale volke oun baro tamlepen.

2. Mose 24:17

O raylepen o baro Deblestar his glan i Israelengre yaka har i bari yag, hoy pral ap koy berga rhačella.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

2. Timoteo 1:7

O Debleskro Dourho, hoy o Devel men das, kova krell men gar dareno, na-a, o Debleskro Dourho dell men zoor, kamlepen i vavarenge, oun o gosvepen, har te djivas.

2. Korintarja 3:9

Kava nevo drom, kay venn i menshe čačo glan o Debleste, hi boud boud shoukeder har ko phouro drom, kay djan i menshe nashedo, ninna te vas kote i tikno kotar raylepen diklo.

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

5. Mose 5:5

Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

2. Korintarja 3:7

Kol phoure činle laba, hoy anenn i menshen an o merepen, his činlo ap i barra. Har anas o Mose i menshenge kol barra, vas leskro mouy yaake rayles, te dikan nay i Israelitarya gar ap leste. Yaake dikah, ninna ap o phouro drom vas o Debleskro raylepen diklo, ninna te djas ko raylepen pal i tikno tsiro krik.