Hebrearja 11:4 - O Debleskro Lab 2024 (Sinte-Manouche)

⁴ An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.

O Debleskro Drom 2021 (Sinte)

⁴ An o phuro tsiro patsas o Abel ap o Debleste, un maras leske i viecho. Har dikas o Dewel, hoi o Abel leske anas, dikas lo latches ap kowa. Jaake was o Abel an o tchatchepen tardo glan leste. Kowa, hoi leskro phraal, o Kain, o Debleske anas, kowa his gar jaake latcho glan o Debleskre jaka har kowa, hoi o Abel leske anas. Ninna te meras o Abel, sikrell men leskro djipen gomme kau diwes leskro patsepen.

Hebrearja 11:4 Referans Kwoze

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

1. Mose 4:10

Oun o Devel penas: “Hoy kral tou? Shoun! Tiro phraleskro rat dell gole pal mande dran i phoub.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.

1. Mose 4:15

Koy penas o baro Devel: “Na-a! Hakeno, koon o Kaynes moulo della, koleskre menshendar venn efta menshe moulo dino.” Oun o baro Devel kras i sikepen glan ap leskro shero, te djinell hakeno, koon hatsell les, te nay marell lo les gar.

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Louka 11:51

O Abel vas maredo glan i tsele vavar menshende. Pal leste maran le vavar menshen pale te pale. Pal lauterende vavarende vas o Zakari maredo. Kova vas maredo pash i sasterni rhačepaskri an o Debleskro baro kheer. Čačepah, me penau t'menge: I tseli bibarht vell ap kal menshende, kay kanna djivenna.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

1. Rajengro liil 18:38

Kote peras yag o baro Deblestar tele, oun rhas ko mass oun ko kasht oun kol barra oun koy phoub, oun ninna o tselo pani, hoy troul i rhačepaskri his.

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

1. Mose 4:25

Oun o Adam vas pale khetne peskri romyah. Oun yoy anas i čaves ap i phoub, oun das les ko lab Set, oun penas: “O Devel das man i vavar čaves miro čaveske Abel, koles o Kayn moulo das.”

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Hebrearja 5:1

Hako baro rashay hi dran i menshende vin rodedo, te vell lo lengro rashay glan o Debleste. Leske anenn le firhen, te anell lo len glan o Debleste, te vell lengri doosh lendar krik lino.

Hebrearja 11:2

Savo patsepen his an mare phourende, oun o Devel dikas lačes ap lende.

2. Petro 2:8

Hako dives dikas oun shounas lo, hoy yon čilačes kran. Oun lengro čilačo koova doukras les an leskro dji.

Hiob 8:10

Tire phoure nay sikrenn tout, hoy le vin hatsan, oun hoy yon an pengro djipen dikan: