Hebrearja 11:34 - O Debleskro Lab 2024 (Sinte-Manouche)

³⁴ Vavar van an i yag vitsedo, oun i yag nay rhačan len gar. Vavaren kaman i menshe i rhareha te marell, oun yon nay nashan penge. Kolla, kay kek zoor bouder an lende his, kolen kras o Devel zoreles. An o kourepen lan le i zoor, te tradan le i vavar lourden krik.

O Debleskro Drom 2021 (Sinte)

³⁴ Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

Hebrearja 11:34 Referans Kwoze

Čačepangre 15:8

Oun yob das len zoreles khetne, oun djas tele oun djivas an koy barrengri grotta pash Etam.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Debleskri gili 144:10

Tou kreh, te vell yek themeskro ray zorleder har ko vavar. Oun tou kreh, te vell tiro boudepaskro, o David, gar maredo o rhareha.

2. Rajengro liil 6:32

Oun o baro ray kras pes ap o drom te djal lo pash o Elisa, oun bičras i morshes glan peste. O Elisa his an peskro kheer oun kol phoureder ko forestar his pash leste beshdo. Har ko bičepaskro gomme gar pash leste vas, penas o Elisa ap kol phourende: “Djinenn t'mer, kay ko marepaskro yekes bičras, te dell lo miro shero tele? Te vell ko morsh, krenn o voudar pandlo. Te kamell lo dren te vell, denn les i ladini o voudareha, te ačell lo vin. Me shounau, kay vell leskro ray pal leste.”

1. Rajengro liil 19:3

Oun har o Eliya kova shounas, tapras les i daar, oun yob nashas peske, te ačell lo djido. Yaake vas lo an o foro Beersheba. Ko his i foro an o them Youda. Oun kote moukas lo peskro boudepaskres.

1. Petro 4:12

Kamle mala, t'maro dji vell gar dareno, te venn t'mer zoreles palla lino. Savo koova djal kolenge, kay patsle hi. Kote vell diklo, har t'maro patsepen hi.

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Debleskri gili 66:12

Tou moukal menshe pral mende te vell, moukal men an i yag oun an o pani te djal. Oun palle anal tou men dran lauter vin oun dal men nevi zoor.

Debleskri gili 6:8

Me dikau bouder gar mishto, – yaake pharo hi miro dji. Mire yaka hi pesso o ropastar kol boudenge, kay mange o djipen phares krenna.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Hiob 5:20

Te hi bari bok an o them, moukell lo tout gar te merell. Oun an o kourepen moukell lo tout gar i rhareha te marell.

1. Samuel 20:1

Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

2. Mose 18:4

Ko vavar kharas Eliyeser. Har kava boldo vas, penas o Mose: “O Devel miro dadestar vas ap miri rig. Yob las man vin dran o vast o Faraestar, kay kamas man moulo te dell.”

1. Samuel 18:11

Oun hadas peskro vast oun penas peske: “Me kamau o Davides an i vanta čourye te dell.” O David stas douy kope ap i rig, oun o Saul nay tapras les gar.

1. Samuel 19:10

Oun o Saul vitsras peskro čouri, te dell lo o Davides ap i vanta. Oun o David stas ap i rig, yaake te djas ko čouri an i vanta. Oun yob nashas peske.

1. Rajengro liil 19:1

Oun o Ahab penas i Isebel halauter, hoy o Eliya kras oun har maras yob i tsele rashayen o deblestar Baal o rhareha.

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kay mer vah khetne, hi gar baro doha.

Debleskri gili 124:7

Mer nay nasham menge har i čirklo, dran koy netsa, hoy i čirklengro pral leste vitsras. Koy netsa vas paash kerdo, oun mer vam vin.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”