Hebrearja 11:33 - O Debleskro Lab 2024 (Sinte-Manouche)

³³ Kol tsele morsha patsan, hoy o Devel lenge penas. Mashkral lende his ninna kolla, hoy kouran pen kol bare rayentsa oun kol rayengre lourdentsa. Oun yon his zorleder har kol bare raya oun lengre lourde. Vavar kran o čačepen oun dikan pengre yakentsa, har kova čačo vas, hoy o Devel lenge penas. Vavar van glan bare oun divye margodje vitsedo, oun kolla dandran len gar.

O Debleskro Drom 2021 (Sinte)

³³ Kol tsele mursha patsan, hoi o Dewel lenge penas. Mashkral lende his ninna kolla, hoi kuran pen kol bare rajentsa un kol rajengre lurdentsa. Un jon his sorleder har kol bare raja un lengre lurde. Wawar kran o tchatchepen un dikan pengre jakentsa, har kowa tchatcho was, hoi o Dewel lenge penas. Wawar wan glan bare un diwje margodje witsedo, un kolla dandran len gar.

Hebrearja 11:33 Referans Kwoze

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

Hebrearja 11:17

T'mer djinenna: An o phouro tsiro kamas o Devel te dikell, har baro o Abrahameskro patsepen hi. Oun o Devel penas ap leste, te marell yob peskro čaves har i bakro, hoy o Debleske maredo vella. Oun o Abraham shounas ap o Debleste, oun las peskro čaves, kay leske kokres boldo vas, te marell lo les glan o Debleste. Glan kava tsiro penas o Devel ap o Abrahameste: Tiro čavo, o Isaak, hi o dad kolendar, kay pal toute venna.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Debleskri gili 144:10

Tou kreh, te vell yek themeskro ray zorleder har ko vavar. Oun tou kreh, te vell tiro boudepaskro, o David, gar maredo o rhareha.

Debleskri gili 91:13

I leve oun i sapa nay doukrenn tout gar. Tou stakreh len lauter khetne.

Čačepangre 4:1

Oun har o Ehoud moulo his, kran i Israelitarya pale, hoy čilačo his glan i yaka o baro Deblestar.

1. Samuel 12:4

Yon penan: “Tou rhorhral men gar, oun lal touke či i zoryah, oun lal kekestar čomone an, te pandess tire yaka glan leskro čilačo koova.”

2. Samuel 8:15

Yaake his o David baro ray pral o tselo them Israel, oun kras, te lell hakeno peskro čačepen.

2. Samuel 10:12

Ma dare, te ačas mer gar kol zorleder! Kouras men mare menshenge oun kol foryenge maro Deblestar! O baro Devel krella, hoy mishto hi an leskre yaka.”

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Jakobo 2:18

Kanna nay vell yek, kay penella: “Yekes hi patsepen oun i vavar krell lačo koova.” Koleske penau me: Sike mande o patsepen kolestar, kay krell kek lačo koova. Miro patsepen sikrau toute dran kova, hoy me krau.

1. Rajengro liil 13:28

Oun yob klissas koy, oun hatsas ko maredo morshes čiddo ap o drom. Oun i bourika oun o levo his pash leste tardo. Oun o levo rhas či o moulo morshestar, oun i bourika dandras lo gar khetne.