Hebrearja 11:29 - O Debleskro Lab 2024 (Sinte-Manouche)

²⁹ I tsiro koy pre djan le mashkral o baro pani, hoy kharella Lolo Pani, har te djans le ap o drom. Kova nay kran le doleske, kay patsan le, hoy o Devel lenge penas. I Egiptarya kaman ninna mashkral o baro pani te djal, oun yon tassan.

O Debleskro Drom 2021 (Sinte)

²⁹ I tsiro koi pre djan le mashkral o baro pani, hoi kharella Lolo Pani, har te djans le ap o drom. Kowa nai kran le doleske, kai patsan le, hoi o Dewel lenge penas. I Egiptarja kaman ninna mashkral o baro pani te djal, un jon tassan.

Hebrearja 11:29 Referans Kwoze

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Debleskri gili 78:13

Yob kras i drom an o baro pani, oun moukas len mashkral ap i vavar rig te djal. Ap kol douy rigya his o pani pral tardo har i kheer.

Josua 2:10

Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.

Debleskri gili 66:6

Dran o baro pani kras yob i trouk phoub. Yon nay djan mashkral ap i vavar rig. Pral kova givam i barhtyatar.

Nehemia 9:11

Tou dal o baro pani, yaake te djas lo ap douy rigya krik, oun i drom koy his, kay nay djan tire menshe mashkral ko baro pani ap i vavar rig. Kolla, kay tire menshe palla lan, tassan oun djan tele har barra an o telstouno pani.

2. Mose 14:22

Koy djan i tsele Israelitarya mashkral o baro pani ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra troul i foro tardo hi.

2. Mose 14:27

Kote hadas o Mose peskro vast pral o baro pani. Oun har o kham pre djas, vas o pani pale oun peras ap kol Egiptarya, kay ap o naashepen his. Yaake tradas len o baro Devel mashkral an o baro pani.