Hebrearja 11:27 - O Debleskro Lab 2024 (Sinte-Manouche)

²⁷ Dran peskro patsepen djas o Mose vin dran o them Egiptia, oun daras gar o baro rayestar pral o them Egiptia, te vell yob rhoyedo ap leste. Na-a. Yob rikras yaake ap o Debleste, koles kek nay dikella, har te dikals les lo peskre yakentsa.

O Debleskro Drom 2021 (Sinte)

²⁷ Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.

Hebrearja 11:27 Referans Kwoze

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

2. Korintarja 4:18

Kava raylepen hi menge. Mer dikah gar ap kova, hoy i menshe nay dikenna. Na-a, mer dikah ap kova, hoy kanna kek nay dikella. Kova, hoy yon kanna dikenna, hi yek kopo bouder gar koy. Kova, hoy yon gar dikenna, kova ačella hako tsireske.

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

2. Mose 11:8

Palle venna tire pralstoune lauter pash mande oun vitsrenn pen glan mire pire tele oun mangenn man an oun penenn: Djan t'menge, tou oun tire tsele menshe, djan! Oun palle djah mer menge.” Oun moulo rhoyedo djas o Mose peske dran o Faraeskro kheer vin.

2. Mose 4:19

Oun o baro Devel penas ap o Moseste an o them Midian: “Dja an o them Egiptia palpale! Kol tsele morsha, kay kaman tout te marell, djivenn bouder gar.”

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

1. Korintarja 13:7

Te hi les o Debleskro kamlepen an o dji oun i menshe doukrenn les, hi yob gar rhoyedo pral kova. Kones hi o Debleskro kamlepen an o dji, kova patsell halauter. Yob dell o vavares gar pre, oun rikrell lauter vin.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Bičepangre 2:25

Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste.

Markus 13:13

T'mer patsenn ap mande. Doleske venn i tsele menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Markus 4:17

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun te venn le mange palla lino, palle vitsrenn le pengro patsepen ap i rig.

Mateo 24:13

Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Debleskri gili 16:8

Miro baro Devel hi man hako tsiro glan mire yaka. Yob te hi ap miri čači rig, nay hom me zoreles tardo.

2. Mose 12:50

Har i tsele Israelitarya shounan, hoy o baro Devel ap o Mose oun ap o Aron penas, kran le les yaake har yon lenge penan.

Kolossarja 1:15

Kek nay dikell o Debles. Har leskro čavo ap i phoub vas, sikras yob har o Devel hi. O Yezous Kristo hi yaake har peskro dad. Oun yob hi bareder har lauter, hoy kerdo vas.