Hebrearja 11:26 - O Debleskro Lab 2024 (Sinte-Manouche)

²⁶ O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

O Debleskro Drom 2021 (Sinte)

²⁶ O Mose kamas feteder, te lell lo ko praassepen ap peste, hoi ninna o Jesus Kristo ap peste las, har te lell lo o tselo brawlepen an o them Egiptia. Leske his o brawlepen an o bolepen budeder moldo.

Hebrearja 11:26 Referans Kwoze

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

Hebrearja 10:35

Doleske penau t'menge: Ma vitsrenn t'maro patsepen t'mendar! T'mer djinenn, havi barht lell kova, kay ap o Debleste rikrella.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Louka 14:14

Te kreh tou kova, hal tou barhtelo! Kol menshe nay denn tout či pale. Te krell o Devel kol moulen djido, kay kran, hoy yob kamas, palle dell lo tout kova lauter pale, hoy tou lenge kral.”

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

Debleskri gili 37:16

Ko tikno bravlepen, hoy koleskro hi, kay an o čačepen tardo hi, hi feteder har ko baro bravlepen boud čilačendar.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!

Hebrearja 10:33

Boud t'mendar van glan lauterende praasedo oun dino. I vavar t'mendar van ap i rig kolendar, kay praasedo oun dino van.

Filiparja 3:7

Har o Yezous Kristo miro ray vas, vas mange lauter kova či moldo, hoy mange an ko tsiro boud moldo his.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Mateo 10:41

Koon i Debleskro rakepaskres an peskro kheer lella, oun krell kova doleske, kay kova o Debleskro lab penella, koles dell o Devel yaake boud bravlepen, har yob peskre rakepangren della. Koon i Debleskro morshes an peskro kheer lella, oun krell kova doleske, kay kova i Debleskro morsh hi, koles dell o Devel yaake boud bravlepen, har yob i Debleskro morshes della.

Mateo 6:1

Denn yak, har krenn t'mer lačo koova! Ma krenn les yaake, te dikenn i menshe kova oun sharenn t'men! Koon t'mendar kova krella, koles dell t'maro dad an o bolepen kek lačepen pale.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Gosewe laba 23:18

Palle hi tout i lačo djipen glan toute, oun kova vella, hoy tou o djiyestar kamal.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

Debleskri gili 69:7

Ma mouk kolen pengro patsepen te nashrell, kay pen ap toute rikrenna, te dikenn le har djoungeles mange djala. Tou, baro Devel, kay hal o ray pral o bolepen oun i phoub, ma mouk man te anap ladj ap kolende, kay tout rodenna, o Debles pral o Israel.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Louka 14:33

Doleske penau t'menge: Kek t'mendar nay vell miro maal, te dell yob gar lauter pre, hoy les hi.”