Hebrearja 10:39 - O Debleskro Lab 2024 (Sinte-Manouche)

³⁹ Čačepah, mer ham gar kolendar, kay moukenn leskro drom oun djan nashedo. Na-a. Mer ham kolendar, kay ačah an o patsepen, oun lah o djipen, hoy gar pre-herella.

O Debleskro Drom 2021 (Sinte)

³⁹ Tchatchepah, mer ham gar kolendar, kai mukenn leskro drom un djan nashedo. Na-a. Mer ham kolendar, kai atchah an o patsepen, un lah o djipen, hoi gar pre-herella.

Hebrearja 10:39 Referans Kwoze

1. Johanni 5:5

Ava, kova, kay patsella, kay o Yezous o Debleskro čavo hi, koles hi i zoor pral o čilačo koova, hoy i menshe krenna.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

Markus 16:16

“Koon patsell ap mande oun vell taufedo, kova djal gar nashedo. Koon gar ap mande patsella, kova djal nashedo!

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

1. Tessalonikarja 5:9

O Devel kamell gar, te vell leskri rholi pral mende. Na-a, yob kamell, te dell men maro ray, o Yezous Kristo, o Debleskro djipen.

Johanni 17:12

Yaake rah har me pash lende homs, dom garda ap lende an tiri zoor, kay tou man dal. Me rikrom len, te djan yon gar krik toutar. Kek lendar djas nashedo. Yek kokres djas nashedo, yaake te vas čačo, hoy lestar činlo vas.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Louka 11:26

Koy rodell lo peske vavar efta bengen, kay hi čilačeder har yob. Oun kol benga djan an ko mensheste dren, oun djivenn an leste. Yaake hi ko mensheha djoungleder har glan ko tsiro.”

Debleskri gili 44:18

Kava lauter vas pral mende, ninna te bistram tout gar oun kram, hoy tou mentsa vin kral.

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Gosewe laba 14:14

Koon bange dromma djal, koleske djal yaake, har lo djivas. Ninna i lačo morsheha hi yaake: yob lell pale pal kova, hoy yob kras.

Gosewe laba 1:32

Kolen či an o shero hi, kolla rissrenn o Debleske o doumo; oun kova anell lenge o merepen. Oun lengro pre-phourdepen marell len.

Debleskro tsiro 17:11

Ko firho, hoy djido his, oun kanna bouder gar djivella, yob hi o orhtato. Ninna hi lo yek kol eftendar, oun djal hako tsireske nashedo.

Hebrearja 10:26

Te kamell yek ap i čilačo drom te djal, oun krell kova ninna, ninna te prindjrell lo o čačepen, koleske hi bouder kek koy, kay nay merals, te lell lo leskri doosh krik.

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Debleskro tsiro 17:8

Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.